DILI, STLTIMORLESTE.com – Primeiru Ministru (PM), Kay Rala Xanana Gusmão hatoo agradese ba Primeiru Ministru Malazia, Dato Seri Anwar Ibrahim neebe vizita ona Timor Leste, agradese ba Malazia nia apoiu makaas lori Timor Leste tama ASEAN, iha fulan Outubru tinan nee.
Xefe Governu hatoo kestaun nee ba Jornalista sira, bainhira remata halao enkontru semanal ho Prezidente Republika, iha Palasiu Prezidensial, Nicalau Lobato, Bairru Pite, Kinta (25/09/2025).
Primeiru Ministru hatoo agradese ba prezensa husi Primeiru Ministru Malazia, Dato Seri Anwar Ibrahim neebe vizita Timor Leste husi loron 23-24, no agradsese mos ba nasaun Malazia neebe apoiu makaas husi setor oin oin hodi lori Timor Leste tama asean iha fulan outubru tinan nee.
“Ho Prezidente mos ami koalia oituan konaba Prezensa Dato Seri neebe apoiu tebes ita, fulan mai nee ita tama asean, ita agradese tebes ba malazia konaba sira nia apoiu tomak sira nia ajuda iha setor oin oin neebe halao dadaun,” dehan Primeiru Ministru, Xanana.
Primeiru Ministru, Xanana mos informa ba Prezidente Republika katak, agora sei halao hela konsellu Ministru semana kotuk Primeiru Ministru sai hela ba rai liur, no agora iha konsellu Ministru atu aprova no Haruka rezulusaun lubuk ida ba Parlamentu hodi aprova kona-ba preparasaun ASEAN nian.
“Agora hau sai ami sei iha Konselhu Ministru, atu aprova haruka rezulusaun lubuk ida kedas ba Parlamentu hodi aprova tiha, tanba preparasaun kona-ba ASEAN nian,” dehan Primeiru Ministru, Xanana.
Iha biban nee Primeiru Ministru hatete, iha hasoru malu nee Primeiru Ministru ho Prezidente Republika mos koalia asuntu seluk, maibe laiha autorizasaun atu fo sai ba media.
“Hau mos informa ba Prezidente, nia mos hatene katak agora kala deskuti hela iha parlamentu neeba konaba pensaun Vitalisia neebe deskute ba ami nain rua mos depende, Prezidente ami nain rua hamutuk dehan koa entau koa ba nee defende lei fo ita simu lei lafo ita la simu,” katak PM, Xanana.
Aleinde nee relasiona ho publikasaun husi Ministru Agio Pereira kona-ba krime organizadu husi parte Governu alternativu saida mak Governu presiza foti, hatan ba kestaun nee PM Xanana hatete, buat ida krime organizadu PM lahatene tanba nee sai problema.
“Ohin ami enkontru iha Konsellu Ministru mais buat ida krime organizado atan oan hau lahatene buat ida nemak sai problema boot nee mais, hau akompanha hela maibe buat hotu hau labele koalia ba imi lae” imi rona dehan iha oecusse nee hapara tiha ona, antes imi rona hau hatene tiha ona hapara duni buatomak sira nee, atan oan nuudar Primeiru Ministru buat barak too mai iha nee deside mais hau labele dehan hau ohin deside ida nee,” katak PM, Xanana.
Jornalista: Emerenciana Pinto
Editora: Carme Ximenes
