DILI, STLTIMORLESTE.com – Prezidente Republika (PR), Jose Ramos Horta hatete, dezde tempu independénsia too mai ohin loron, nia nunka hela iha uma estadu.
Prezidente Republika Jose Ramos Horta hatoo kestaun nee ba jornalista sira, bainhira remata halo promulgasaun lei pensaun vitalisia iha Palasiu Prezidensial Nicolau Lobato, Bairo Pite, Segunda nee (29/09/2025).
“Dezde indepedensia too mai ohin loron hau nunka hela iha uma estadu, hau hela iha uma privadu, hau sosa rai oan ida momentu neeba sorte baratu los, uma nee mos laos hau mak halo dezenhu, tanba hau lamete artitetu enjeneiru la tama, Timor oan ida joven remata kursu iha Surabaya mak ajuda ho trabalhador mai husi natarbora,” dehan PR Horta.
Ho uma neebe halo kada tinan buka hadia halo kapaas liu tan, maibe tinan 10 liu ba para ona atu hadia uma tun sae.
“Maibe la signifika ke hau la komprende sira seluk ke laiha uma pesoal, hau haree mak ida nee buat neebe lei nee los retifika kurizi hadia buat balun neebe hanesan fo privilejiu barak demais ofende opiniaun publiku,” katak nia.
Maibe labele halo reforma ka mudansa, nee depois viola fali ema nia direitu, “Hau nia kolega sira husi tempu luta hau la haree partidu oituan ka barak sira kontribui, ita bele hatete 50 anos hau iha 1975 too agora laos 20 anos maibe 50 anos, nee mak hau husu haree maibe maun Xanana konkorda 100%.
Prezidente dehan, Primeiru Ministru Kay Rala Xanana Gusmão apoiu halakon pensaun vitalisia 100%, maske nia luta 50 anos hodi lori rai nee ba hetan ukun rasik aan, maibe nia nafatin apoiu ideia halakon lei pensaun mensal vitalisia.
Nia hatete, Xanana nia involvimentu luta hahu iha vida joven too mai ohin, maske idade avansadu ona maibe kontinua kontribui ba rai nee liu husi prosesu dezenvolvimentu nasaun luta la para, maibe buat hotu tenke halo ho ekilíbriu, labele fo benefisiu deit ba grupu ida.
Jornalista: Emerenciana Pinto
Editor: Xisto Mendonça
