DILI, STLTIMORLESTE.com – Ministru Justisa (MJ), Sergio Hornai relata prosesu instalasaun Tribunal Supremu ba Prezidente Republika Jose Ramos Horta.
Bainhira remata hasoru malu, Ministru Justisa Sergio Hornai ba jornalista sira iha Palasiu Prezidensial Nicolau Lobato, Bairo Pite, Tersa nee (30/09/2025) hatete, ohin Prezidente Republika bolu Ministru Justisa hodi hatoo informasaun balun, liu liu progresu sira iha serbisu iha MJ nian no futuru instalasaun tribunal supremu, no Governu nia ezersisiu halo saida, no halo kordenasaun ho parlamentu ho truibunal rekursu rasik, nunee mos ho Prezidensia Republika.
“Ita bele haree dadauk ona assuntu balun liga ba iha instalasaun ba tribunal supremu neebe tuir ita nia lei organizasaun judisiariu presiza halo halo sekuensia sira hanesan roteiru neebe ita establese ona. Governu establese hamutuk ho Parlamentu no Prezidensia Republika, Tribunal Rekursu rasik saida mak ita bele prepara, para nunee hakonu ba iha sekuensia sira ba iha instalasaun supremu nee rasik, ohin hau mai hatoo hela ida nee,” katak Sergio.
Nia hatutan, iha hasoru malu nee koalia mos konaba oinsa mak atu reforsa setor justisa iha serbisu sira ba iha alargamentu, serbisu ida neebe iha administrasaun setor justisa nia, no Ministru Justisa tau importansia ba iha neeba liu liu ba iha rekrutamentu Juis, Prokurador, Defensor, Advogado no Ofisias Justisa. Nunee mos ba orgaun polisia kriminal sira nia serbisu neebe estadu tenke tau importansia makaas ba iha serbisu sira nee.
“Prezidente hakarak rona MJ nia avansu balun neebe halo ona, no saida mak ita atu halo iha tempu sira iha tuir mai 2026, iha ita nia programa Governu nia iha 2026 ba oin,” dehan nia.
Ministru nee hatutan, situasaun balun mos atu fo hanoin katak governu halo hela serbisu hatuur lei administrasaun justisa iha ordem para serbisu sira hanesan estadu direitu, estadu demokratiko iha desizaun politika sira tenke lao tuir transmita sira neebe iha.
Jornalista: Emerenciana Pinto
Editora: Domingas Gomes
