DILI, STLTIMORLESTE.com – Ministru Justisa, Sergio Hornai hatete, Governu sei haree fatin dignu ida ba Eis Kombatente sira, tanba hamriik kontribuisaun ou sakrifisiu mai husi sira.
Ministru Justisa, Sergio Hornai haktuir liafuan nee ba jornalista bainhira remata halo enkontru ho Prezidente Republika Jose Ramos Horta, iha Palasiu Prezidensial Nicolau Lobato, Bairru Pite, Tersa (30/09/2025).
Nia hatete, maske oras nee lei la autoriza atu eis titulares ka eis kombantente atu hela uma estadu, maibe governu sei haree tetu hodi fo fatin dignu ba Eis Kombatente, tanba sira nia luta mak lori rai nee ba hetan ukun rasik aan.
Nia afirma, lei pensaun vitalisia promulga ona husi Prezidente, ohin loron hamriik hamutuk nee liu husi prosesu ida, tanba nee tenke pondera fuan.
“Ita tenke halo tratamentu neebe dignu ba ita nia eis titulares sira, hau membru governu laiha problema, tanba ita boot sira hatene muito bem, ita liu husi faze ida naruk. Ohin ita boot nia liafuan fuan, no ita nia prezidente temi aplika lei aumesmo tempu ita tenke halo buat sira nee ho sirkuntasia lubuk oan ida neebe ita tenke haree. Se sira la goja eis titulares, entau sira presiza iha fatin neebe dignu ba sira forma halo nusa nee governu sei haree. Ita tenke haree buat sira nee hotu tratamentu ida ba ita nia Eis Kombatente sira neebe kontribui didika esklusivamente ba iha prosesu luta, ita hotu hotu hola parte iha prosesu nee,” dehan nia.
Ministru nee hatete, tenke haree buat sira nee hotu hodi fo tratamentu ba Eis Kombatente sira neebe kontribui didika esklusivamente ba prosesu luta. Maske depois Prezidente promulga ona lei pensaun mensal vitalisia, sira hamamuk ona fatin. Ida nee mos tenke respeita ema idak idak nia liberdade, mais governu tenke kautela buat sira nee.
“Governu tenke kautela buat sira nee, governu tenke iha vizaun haree sasan sira nee para haree sasan sira nee ba dook. Hanesan Ministru justisa neebe administra ba iha rai estadu nia, hau tenke haree sasan sira nee. Se hasai tanba afeitadu, halo ba iha Hospital ruma halo ba edefisiu ruma entau nee afeitadu, se la afeitadu ita regulariza ho forma seluk maibe dignu,” katak Ministru nee.
Nia hatutan, oras nee lei la autoriza sira hela iha uma estadu, maibe governu sei pundera buat balun ho lei sira neebe mak iha, tanba iha situasaun buat tolu rai ida agora dadaun okupa nee uluk hela ho deborda deit, tanba rajaun da lei, agora labele ona mais nia iha interese no laiha atividade governu nia neebe ke afeitadu ba iha fatin refere entau governu tenke tetu.
Jornalista: Emerenciana Pinto
Editora: Domingas Gomes
