DILI, STLTIMORLESTE.com – Eskola Sekundariu Teknika Vokasional ba Industria no Teknolojia (ESTV-IT) 28 Novembru Bekora-Díli, husu ba Ministeriu Edukasaun atu bele halo reabilitasaun ba sira nian eskola.
Diretor ESTV-IT 28 de Novembro Becora-Díli, Tomas Pinto dehan, difikuldade neebe sira hasoru mak presiza halo reabilitasaun tomak ba edifisiu sira.
“Ami nia difikuldade neebe ami hasoru mak presiza halo reabilitasaun tomak ba edifisiu sira neebe nia odamatan, janela, plafon, no haris fatin neebe uluk Sekretariu Estado do ESG no ESTV-ME , mai hamutuk ho ekipa Ministériu hodi observa ona no seidauk realiza,” dehan nia.
Tomas afirma, alende nee equipamentu no material laboratorium mak hanesan komputador unidades 90 neebe foun, no meja kadeira neebe foun ho kualidade internasional nian, tanba nee sira presiza halo reabilitasaun ba sira nia eskola.
Iha fatin seluk Superintendente Edukasaun Munisipiu Dili, Cesarina Correia Guterres dehan, konaba kondisaun infraestrutura iha ESG 5 de Maio konstruksaun sala 8, maibe agora dadaun paradu hela. EBC Manleuana iha uma tomak 1 iha sala 4 maibe ho kondisaun aat hotu. EBF Mota Ulun presiza halo konstruksaun ba sala de aula.
Jornalista: Jacinta Sequeira
Editora: Domingas Gomes
