DILI, STLTIMORLESTE.com – Ministra Edukasaun (ME), Dulce de Jesus Soares louva profesores sira hotu, tanba sira iha ona responsabilidade no iha komitmentu tomak, ajuda ona povu Timor nia oan.
Ministra Dulce dehan, tenke louva profesores sira iha Timor nee.
“Hau tenke louva profesores sira iha Timor nee, mezmu iha kapasidade karik iha ema ruma nia matan haree sira nee hanesan nee, maibe sira mak ema neebe servisu ona tinan naruk ho responsabilidade tomak, no ho komitmentu tomak ajuda ona povu Timor nia oan, ema barak ona mak sai husi sira nia liman oras nee daudaun hetan ona servisu,” dehan nia ba jornalista, Sesta (03/10/2025).
Governante nee hatutan, nee duni mai ema hotu hamutuk hodi bele fo apoiu ba profesores sira, atu nunee Profesor sira bele kontinua halao sira nian responsabilidade ho dedikasaun aas, tuir kode konduta profesores. Estudantes sira nian parte mos hakarak katak, estudantes sira iha duni responsabilidade atu sai alunus neebe mak diak, mai iha eskola estuda iha eskola, uma nunee mos atu lori aan iha komunidade ho diak tebes,no servisu hamutuk sei ajuda ME nian servisu, laos deit iha nibel nasional, liu-liu iha nibel eskolar.
Jornalista: Jacinta Sequeira
Editor: Domingas Gomes
