DILI, STLTIMORLESTE.com – Prezidente Republika (PR), Jose Ramos Horta promulga ona Lei Pensaun Mensal Vitalisia (LPMV), tanba nee laiha ona dalan atu prevee orsamentu, no ema neebe mak iha kompetensia atu hasai mak Parlamentu Nasional (PN).
Kestan nee hatoo husi Peskizador Asia Justisa and Rights, Inocencio de Jesus Xavier ba jornalista sira, iha knaar fatin, Farol, Díli, Segunda (06/10/2025) hatete, projetu lei numeru 11revoga tiha ona direitu regalias hotu ho lei pensaun vitalisia, klaru katak panoramo orsamentu neebe ministra Finansas planu nee tama tiha ona iha kalendariu orsamentu, too iha parlamentu mak parlamentu halo alterasaun hasai fila fali orsamentu neebe ministra solidaridade sosial nomos Ministra finansa planea, neebe orsamentu milhaun US$ 5 neebe prevee ona nee sei hasai bainhira lori ba Parlamentu Nasional
Governu halo ida nee tanba tama tiha kalendariu siklu orsamentu neebe aprovado entaun se mak iha kompetensia atu hasai no hatama nee mak parlamentu.
Parlamentu Nasional bele baze projetu lei numeru 11 neebe promulgado tiha iha Prezidente Republika ida nee sei hasai bele aloka fali ba buat seluk.
“Nesesariu kalae atu apoiu pensaun ba iha eis titulares nee lei aprovado tiha ona, signifika katak Governu tenke komprimenta tanba parlamentu hasai tiha lejislasaun ida no Prezidente Republika promulga ona entau orsamentu neebe preve ba nee lapodia tau ona, tanba lei mak hatete iha parovasaun nee partidu hotu hotu ho votu unaminidade ho votus 62 ho apresiasaun atu halo revogasaun ba lei Pensaun mensal Vitalisia no regalia sira, no baze ba projetu lei numeru 11 neebe promulga iha 29 setembru husi Prezidente Republika laiha dalan atu preve osan ba eis titulares no orgaun soberania no eis deputadu no membru Governu,” katak Peskizador AJAR nee.
Nia hatete, karik Governu halo ezersisiu iha forma seluk depende ba Governu nia kapasidade bele interpreta no analiza, ba projetu lei nee inklui diploma Prezidensia Republika hodi fo promulgasaun.
Klaru katak Governu halo ezersisiu oinsa mak atu nafatin dignifika eis titulares Orgaun Soberania, liu liu sira neebe konsidera hanesan ema importante ema save ba estadu governu mak tenke asegura ida nee.
Nunee mos Diretor Jeral Unidade Komunikasaun no Relasaun Publika Ministeriu Finansa, Fernando M. Ribeiro hatete, Prezidente Republika promulga revogasaun formal ba Lei Pensaun Mensal Deputadu sira-nian no lei neebe aprova Estatutu Titular orgaun Soberanu sira nian. Ho revogasaun nee, laiha ona baze legal atu halo pagamentu tuir diploma revogadu sira nee.
Ministeriu Finansas garante ba populasaun katak osan sira nee sei la uza ba objetivu sira neeebe prevee ona antes. Hanesan determina hosi lejislasaun neebe vigora, Governu so bele gasta rekurs publiku bainhira iha baze legsl esplisita neebe fo dalan. Iha kazu ida nee, baze legal neeba la ejiste ona hafoin revogasaun hosi lei respetiva sira.
Nia hatutan katak Governu laiha intensaun atu manteinn ka halo nafatin pagamen tamba lei revoga tiha ona. Rumoris kona-ba utilizasaun verba ida nee hodi uza nafatin ba objeti pagamentu pensaun vitalisia nee la loos.
Jornalista: Emerenciana Pinto
Editora:Carme Ximenes
