DILI, STLTIMORLESTE.com – Peskizador Asia Justisa and Rights, Inocencio de Jesus Xavier preokupa ho Prezidente Republika (PR), Jose Ramos Horta neebe sai beibeik ba estranjeiru uza osan estadu, maibe nia impaktu laiha, tanba too oras nee laiha investor ida husi estranjeiru mai halo investimentu iha Timor Leste.
Nia dehan, Prezidente Republika nia vizita sira mais impkatu husi vizita sira nee seidauk iha andamentu prosesu ida, seidauk iha sinal investor sira hakarak mai investe iha Timor Leste.
“lahatene bainhira ida nee Prezidente Republika mak aprezenta kontablidade ida nee ba povu, katak hau nia vizita ba rai ida nee no rai ida nee no kompanhia sira neebe mak hakarak mai halo investimentu mak idak nee no ida neeba, Prezidente mak aprezenta tanba Prezidente mak ba halo loby, ema numeru estadu mak ba halo lobi investor konsidera ema fiar ona entaun fiar nee tenke aprezenta ba iha publiku tanba Prezidente viajen ba rai liur uza osan estadu nia, laos uza osan Prezidente nia karteira maibe uza osan estadu hodi konvida investor mai investe ita nia rai maibe too agora seidauk iha sinal pozetivu ruma kompanha internasional hakarak mai investe iha ita nia rai,” dehan Inocencio ba jornalista sira, iha nia knaar fatin, Farol, Díli, Segunda (06/10/2025).
Tanba tuir nia loloos Prezidente Republika haree problema rai laran sira liu liu kona-ba lei lisensa sira, nomos sistema biokrasia administrasaun publiku sira nee lao halo nusa lei ba rai nee lao oinsa, establidade politika Governasaun nee lao oinsa bele fo garantia ida nee.
Investor ida labele mai Timor Leste bainhira nasaun sei iha polemika nia laran, estabilidade politika laiha no sistema biokrasia administrasaun publika lao lentu ida nee sei fo prezudika ba investor sira atu mai.
“Iha kalae nee Prezidente Republika mak tenke aprezenta nee tenke prense kontas ba publiku atu hatene ninia vizita sira nee tanba ami mos laba haree nia ajenda ba halo saida saida, Prezidensia Republika liu kasa sivil no gabinete mak tenke aprezenta buat nee ba publiku tanba povu presiza hatene duni, tanba povu mak hili Prezidente Republika akuntablidade nee laos deit ba parlamentu maibe tenke ba povu atu hatene mos publiku tomak tenke hatene nia viajen impkatu nee saida ,” katak nia.
Nia sublina, Prezidente Republika presiza esklarese ba publiku lori investor hira ona mai Timor Leste, no karik mai kompanha hira mak mai ona no husi neebe sa data mak mai no oras nee investe iha area ida neebe.
Prezidente Republika mos esplika ona katak durante nia viajen lobi investor barak hakarak mai maibe lei Timor Leste mak seidauk fo garantia ba investor sira, hatan ba kestaun nee Peskizador AJAR nee hatete, lei numeru 5 2005 koalia difinisaun rua ida koalia kona-ba investimentu internasional no lei ida konaba investumentu nasional mak lei numeru 5 2004 nomos lei numeru 5 2005 sobre investimentu internasional.
Lei nee klaru hela soke nia problema nee iha serve autoridade operasaun neebe fo lisensa nee mak brokrasia mais dala ruma mos tau ema neebe lalos, tanba Governu ida mai lori nia ema ida mai lori nia ema ikus mai sobu sistema tau sistema foun prezudika ba atendimentu sira tanba nee PR, Horta tenke haree ida nee.
Jornalista: Emerenciana Pinto
Editora: Carme Ximenes
