DILI, STLTIMORLESTE.com – Inspetor no inspetora sira orienta dirijente no profesores sira atu uza livru sira ho diak no responsabilidade.
Superintendente Edukasaun Munisipiu Dili, Cesarina Correia Guterres dehan, inspetor no inspetora sira fo hanoin nafatin ba profesores sira iha eskola idak-idak atu bele jere didiak livru neebe iha ona.
“Biblioteka kuaze eskola sira organizadu, maibe jestaun husi eskola atu oinsa jere manorin sira atu uza livru ou distribui livru nee mak sei menus. Husi ami inspetor no inspetora sira mos nafatin orienta no informa ba dirijente eskola sira atu uza livru sira neebe iha ho diak no responsabilidade,” dehan Cesarina ba STL, Tersa (07/10/2025).
Iha parte seluk, Adilson Viegas Esperito Santos hanesan ofisiais biblioteka iha Eskola Sekundariu Jeral Finantil dehan, kuandu livrus sira nee estudantes sira empresta, loron tolu sira empresta livru ida, maibe loron tolu nee sira tenke entrega fali livrus nee mai iha eskola.
Jornalista: Jacinta Sequeira
Editora: Domingas Gomes
