DILI, STLTIMORLESTE.com – Oras nee daudaun konstrusaun ho andar sala 6 besik finaliza, hodi nunee estudantes sira bele uza.
“Kona-ba edifisiu foun sala 6 nee, agora daudaun monta ona kaixa para bele cor deit ona, tanba nee bainhira kompanhia mai cor durante oras tolu nia laran, depois liu loron haat ou lima, nee ami sobu ona okos nee, kaixa sira nee hasai hotu para ami bele prepara meza no kadeira, atu nunee iha loron 20 nee ami nian estudantes sira bele uza sala foun nee hodi bele partisipa iha ezame nasional,” dehan Diretor Eskola Sekundariu Nobel da Paz, Jeremias P. de Jesus ba STL ,Tersa (07/10/2025).
Nia hatete, bainhira estudantes sira ezame nasional loron hat nee hotu mak ezame nasional nee remata,trabalhador halo eskola nee kontinua halo srvisu,no ninia progresu ba konstruksaun nee besik finaliza ona.
“Iha tempu besik husi kompania entrega ba ami, konstrusaun eskola Nobel nee hamutuk sala aprendizajen nen, tanba nee husi parte kompania entrega ona,” nia dehan.
Iha fatin hanesan Antonio de Jesus Maia hatete, uluk sala de aula nee lori triplek mak taka, maibe agora sira uza sala foun neebe ho andar remata ona nee. Hein katak, konstrusaun foun nee remata sira bele uza ba aprendizajen.
“Ami nian konstruksaun sala foun nee agora lao hela,maibe ida seluk neebe remata ona nee ami uza kleur ona ba aprendizajen lor-loron,” nia esplika.
Nunee mo Liliana Martins, hanesan estudante katak, edifisiu andar rua nee remata ona, no estudantes sira uza hodi halao prosesu aprendizajen. Agora ida seluk mak dadaun nee sei iha faze konstruksaun nian laran, la hatene bainhira mak remata, ho nunee sira bele uza.
“Ami nian edifisiu andar rua nee remata ona no estudantes sira uza hodi halao prosesu aprendizajen, agora ida seluk mak dadaun nee sei iha faze konstruksaun nian laran,la hatene bainhira mak remata, ho nunee sira bele uza,” dehan nia.
Jornalista: Jacinta Sequeira
Editora: Domingas Gomes
