DILI, STLTIMORLESTE.com – Diresaun Nasional Edukasaun Inkluziva no Asaun Sosial Eskolar (DNEIASE) simu informasaun husi parte inspesaun jeral Ministeriu Edukasaun (ME).
Tuir Xefe Departamentu Programa Merenda Eskolar iha ME, Belchior Maria Almeida Barros katak, diresaun ida nee nafatin halo lina koordenasaun servisu nian ho parte sira. Bainhira iha informasaun neebe iha MunisÃpiu sira nafatin kordena ba malu, nee importante teb-tebes.
“Linha kordenasaun neebe durante nee lao maka wainhira sira hetan faktus iregulalidade ruma iha eskola sira sempre hatoo mai iha inspesaun geral ministeriu, mak sira informa mai ami hodi hatene situasaun sira konaba implementasaun merenda eskolar, neebe mak agora daudaun lao iha eskola sira,” dehan Belchior ba jornalista STL, Segunda (13/10/2025).
Iha fatin seluk, Diretor Servisu Edukasaun Munisipiu Manatuto, Patricio da Cruz Quintao hatete, inspetor sira sempre halo inspesaun ba atividades hotu neebe mak lao iha eskola sira. Sekuandu iha asuntu importante ruma, sira sempre hatoo ba iha nasional, tanba nee sira nian lina koordenasaun ho parte ME Nasional nian lao diak hanesan baibain.
“Ami nian inspetor sira sempre halo inspesaun ba atividades hotu neebe mak lao iha eskola sira, sekuandu iha asuntu importante ruma sira sempre hatoo ba iha nasional, tanba nee sira nia lina kordenasaun ho parte ME Nasional nian lao diak hanesan bai-bain,” nia esplika.
Patricio dehan, inspektor eskolar sira nee halo kontrolu ba implementasaun programa merenda eskolar neebe mak dadaun lao iha eskola sira. Bainhira iha problema ruma, sira sempre hatoo informasaun nee ba iha parte Ministeriu.
Nunee mos Diretor Servisu Edukasaun Munisipiu Likisa, Julio da Silva haktuir, koordenasaun servisu nee importante tebes. Nee duni inspetor sira halo kontrolu ba iha eskola sira, liu-liu atividades hotu neebe lao iha eskola.
Jornalista: Jacinta Sequeira
Editora: Domingas Gomes
