BAUKAU, STLTIMORLESTE.com – Governu realiza dialogu dame nian liu husi formasaun karakter nasaun ho estudante, husi eskola Ensinu Sekundaria no entidades sira iha Munisipiu Baukau.
Dialogu refere realiza iha loron 13 Outubru 2025 ho tema harii karakter Nasaun Estadu ho Dame realiza iha salaun Ginaziu Vila Nova, Baukau hetan partisipasaun husi estudante Ensinu Sekundaria Jeral 02 Vila Nova, Sekundaria 01 Tirilolo, Kilik Waigae, ESSA, SAKROJES, CAFE no seluk tan inklui entidades seluk.
Dialogu nee prezide husi Visi Primeiru Ministru, Ministru Koordenador ba Asuntu Sosial no Ministru ba Dezenvolvimentu Rural no Abitasaun Komunitaria, Mariano Assanami Sabino akompanha husi Prezidente Autoridade Munisipiu Baukau, Segundu Komadante Komando Polisia Munisipiu Baukau no reprezentante Ministeriu Edukasaun.
Seremonia dialogu nee hetan partisipasaun mos husi Diretores no Koordenadores eskola husi eskola Sekundaria Jeral, Filial, Tekniku Vokasional no Katolika sira iha Postu Administrativu Baukau Vila no hetan seguransa masimu husi membru Polisia sira.
Jornalista: Tomas Reis
Editora: Carme Ximenes
