DILI, STLTIMORLESTE.com – Jerasaun foun tenke prontu prienxe ba ukun liu husi prepara aan, hodi lori rai nee ba futuru.
Liafuan nee haktuir husi Ministru Joventude Desportu Arte no Kultura (MJDAK), Nelio Isac Sarmentu, liu husi nia diskursu bainhira halo lansamentu ba konferensia nasional RYLA-TL iha Palasiu Prezidensial Nicolau Lobato, Bairo Pite, Segunda (13/10/2025).
Nia dehan, joven sira hamutuk tenke muda oituan imi nia pensamentu paradigma. Muda oituan nee halo nusa, tanba dala ruma temi papel joventude maibe tenke muda fali buat nee sai perguntas aa aan
“Serake ita sira jerasaun foun nee prontu ona prense ba ukun aan nee ka seidauk. Nee perguntas ba ita nia aan atu dezafia ita, hanesan Maun Xanana no Maun Ramos Horta, maun sira seluk serake ita sira nee hotu bele kontinua buat neebe sira hatudu ka lae. Kuandu ita dehan hau hadomi rai ida nee, entau hau tenke prepara hau nia aan atu simu obra neebe sira halo, tantu obra diak ka ladiak ba hau laos problema importante hau moris iha rai ida nee, hau hakarak rai nee sai boot ba nafatin hanesan buat neebe maun sira hatudu ba hau,” dehan nia.
Nelio hatete, husi ida nee mak hatudu ba jerasaun foun ou joven sira tenke ense aan ho koinesementu oin-oin.
Ezemplu kiik hanesan deit se imi sira nee ida atleta nasional balun karate, balun taekwondo no boxing. Nee katak, kontribui atu lori nasaun nia naran, maibe kuandu tempu ida mak sai ona. Bele sai fali treinador karik, ou sai konsulta ba kondisaun desportivu sira seluk, ou karik bele kontribui mos ba rejional neebe imi hela ba nee, bele kontribui ba organizasaun desportivu sira rejional nia, maneira neebe ohin imi halo nee prense ona bia ukun aan nian.
Nia katak, tenke sai joven neebe kritiku, kritiku nee katak se haree buat neebe ukun nain halo promesa, maibe lahalo entau bele ezije buka atu intende fo hanoin sujestaun, kritika neebe diak.
“Labele sai joven kritiku maibe ema nia ropa laran sira nee ita hatete sai hotu nee ladiak, nee ita nia nasaun nee ita nia beiala sira neebe oferese aan ba ukun aan nee tanis ho jerasaun sira nia hahalok,” katak nia.
Nia hatete, tenke hatoo kritiku sira neebe kualidade para ema sente katak joven ida hanoin nia nasaun, tanba nee fo solusaun ba rai husi buat neebe hatoo. Aprende buat neebe forte, nunee aban bainrua sai lideransa diak ida karik antes nee aprende ona husi buat sira nee.
Jornalista: Emerenciana Pinto
Editora: Domingas Gomes
