DILI, STLTIMORLESTE.com – Tuir Jurista Jose Maria Guteres katak, nesesidade neebe urjente harii Sentru Juvenil, hodi tau dadur sira ho idade sei joven.
“Hau haree nesessidade urjenti atu hari, tanba ita nia nasaun ukun an kleur presiza estabelese ona, hodi tau dadur sira neebe ho idade juvenil,” dehan Jurista Jose Maria ba STL, iha Kaikoli, Dili, Tersa, (14/10/2025).
Sentru neebe iha tuir nia atu fo kapasitasaun no formasaun ba dadur juvenil sira, oinsa bele transforma sira nia hahalok , tanba ohin loron iha Timor joven neebe ho idade foin sae, barak maka la kontrola an hodi hamosu krime.
Iha fatin ketak, Ministru Justisa (MJ0, Sergio Hornai dehan, prosesu kona-ba Sentru Juvenil iha ona faze dezenu.
“Sentru juvenil iha ona faze ADN sira atu halo dezenu ba iha projeitu nee, hau hakarak hateten lao dadaun hela iha situasaun balu administrativamente tenke prense, projeitu nee ho osan boot uitoan ita presiza iha kooperasaun ida diak ho politika Ministeriu Justisa, “dehan MJ, Sergio.
Nia dehan, Diresaun Jeral Servisu Prezional halao hela servisu, haruka ona dokumentu balu ba iha ADN atu hare, hodi fo kontinuidade ba iha projetu nee.
Jornalista: Terezinha De Deus
Editora:Carme Ximenes
