DILI, STLTIMORLESTE.com – Dili Institutu of Techonologi (DIT) realiza konferensia Internasional Symposium ho nia tema “The Role Of Nature Based Solutions For Healthy Communities In Timor Leste (TL)”.
Reitor Dili Institutu of Techonologi (DIT), Salustiano dos Reis Piedade esplika, objetivu husi konferensia Internasional Symposium ida nee, peskizador sira sei halo aprezenta ba rezultadu neebe mak durante nee sira halo.
“DIT servisu hamutuk ho University New South Wales Sydney Australia (UNSW), sira realiza simpoziu internasional ida, objetivu husi simpoziu ida nee, ita nia peskizador sira sei aprezenta sira nia rezultadu peskiza,” dehan Reitor Salustiano dos Reis Piedade ba jornalista sira iha City8 Manleu, Tersa (14/10/2025).
Nia dehan, aban peskizador sira hahu halo ona aprezentasaun kona-ba rezultadu peskiza sira neebe mak halo ona relasiona ho topiku neebe mak iha.
“Peskizador sira hahu aban halo ona aprezentasaun ba sira nia rezultadu peskiza, hafoin de sira halo aprezentasaun sira sei publika ba iha jornal neebe mak kria, ami bolu dehan Timor Leste nia enginner sience, ao mezmu tempu balun mos ba iha jornal iha TL iha Busnis of Manajement nia,” katak nia.
Mezmu nunee, peskiza nee barak liu haree ba Natural Based Solution For HealthY Communities in Timor Leste, haree kona-ba bee, kona-ba dezastre, oinsa mak bele fo solusaun, sei halo publikasaun ba iha parte ida nee, artigu sira nee mak solusionadu sei halo publikasaun.
Iha fatin hanesan, Vise Dekanu University New South Wales Sydney Australia (UNSW), Profesora Rita Henderson hatoo apresiasaun boot ba instituisaun no parseiru sira neebe mak realiza ona konferensia Internasionál Symposium ida nee.
“Onra boot mai hau atu hamutuk ho DIT hodi realiza simpoziu ida nee, ami nia apresiasaun boot ba instituisaun neebe mak organiza eventu ida nee ho ami nia parseiru sira,” tenik nia.
Nia dehan, konferensia ida nee Timor Leste (TL) servisu hamutuk ho Australia, espera katak eventu ida nee entre DIT no PERMATIL, UNSW, universidade, komunidade sira, no parseiru iha TL liu-liu ba iha DIT.
Entretantu Diretor Nasional Alterasaun Klimatika, Carlos Conseição hatutan, IX Governu Konstitusional ho nia politika neebe mak tau prioridade ba iha kestaun meiu ambiental nia.
“Ita koalia kona-ba ambiente, problema neebe mak akontese tebe-tebes, governu iha responsabilidade tanba ita hotu moris iha planeta no ambiente neebe mak sempre iha intersaun no komponente ambiental neebe mak ezisti iha planeta ida nee,” tenik nia.
Nia argumenta, asuntu ambiental neebe laos afeta deit ba iha atividade neebe mak durante nee halao deit iha Timor Leste, maibe ida nee husi atividade hotu iha mundu.
Jornalista: EST 1
Editor: Xisto Mendonça
