BALIBO, STLTIMORLESTE.com – Sekretariu Estadu Komunikasaun Sosial (SEKOMS), Expedito Dias Ximenes ho Sekretariu Autoridade Munisipal Bobonaro, Julio Carvalho Cairo, Reprezenta Prezidente Autoridade Munisipiu Bobonaro, Prezidente Konselhu Imprensa Timor Leste, Cezar Mali, Autoridade Postu Administrativu Balibo, Casímiro dos Santos ho estrutura Radio Komunidade Sira nomos lideransa Media, ofisialmente inaugura radio komunidade Fronteira Balibo Five Balibo.
Serimonia Inaugurasaun nee hahu ho Tara tais husi Autoridade Bobonaro ba SEKOMS, Prezidente KI-TL Prezidente Radio Komunidade Timor Leste (RKTL) iha edifisiu foun Radio Komunidade Fronteira Balibo Five Balibo.
Tuir Sekretariu Estadu Komunikasaun Sosial (SEKOMS), Expedito Dias Ximenes liu husi ninia deskursu dehan, loron ohin hanesan loron ida neebe importante ba povu TL, liu-liu IX governu konstitusional.
“Loron ohin nee, ba hau nomos ba IX governu nee, importante teb-tebes iha istoriku ida nee, tanba harii edifisiu simples ida nee tanba jornalista nain 5 nee, sira husik hela Sira Nia familia no sira nia nasaun hodi firme nafatin iha sira nia prinsipiu hodi haklaken lia loos ho sakrifisiu boot atu haklaken lialios hodi Libertasaun Ita nia Liberdade no Ita nia Independente, tanba nee radio Ida nee Ita fo naran radio Komunidade Fronteira Balibo Five Balibo, atu fo Ita Nia homenajen, ita nia respeitu, fo Ita Nia Gloria ba Ita Nia Jornalista nain 5 nee,” dehan nia.
Nia haktuir Tan katak, iha IX Governu konstitusional iha radio 21, Aumenta Tan Radio Komunidade Fronteira Balibo Five, Oras nee iha radio hamutuk 22 ona, tanba nee IX Governu konstitusional fo Prioridade ba Radio Komunidade, tanba radio komunidade hanesan linha oin mai iha formasaun ba iha komunidade.
“Hau sempre fo hatene ba radio Komunidade Sira iha munisipiu hotu, atu 60 porsentu asesu infomasaun husi Komunidade no 40 porsentu nee ba atividades Estadu ou governu ninian iha Aldeia, Suku no Postu Administrativu Sira nomos ba Munisipiu, radio Komunidade nee komunidade nian, tanba nee atividades tomak tenke Mai husi Komunidade Liu husi kobertura no tolk show. Ami Hein katak, radio Komunidade Fronteira Balibo Five, sei fo nabilan ba Dezenvolvimentu Balibo iha tempu oin Mai,” dehan nia.
Iha oportunidade hanesan, Jestor Postu Administrativu Balibo, Casímiro dos Santos hatoo agradese ba Sekretaria Estadu Komuikasaun Sosial (SEKOMS) neebe harii Edifisiu Radio Komunidade Fronteira Balibo Five iha Balibo.
“Ohin Ita hare rasik ho matan, buat foun Diak Ida neebe governu Liu husi SEKOMS harii iha Ita Nia matan, Ami komunidade Postu Administrativu Balibo, edifisiu foun Ida nee maka durante nee Ami komunidade Balibo Hein kleur ona, ohin Ita halao ona lansamentu,” afirma nia.
Iha biban nee Nia Agradese ba IX Governu konstitusional, neebe rona duni komunidade Balibo Nia halerik, ohin konsege ejiste duni Radio Komunidade Fronteira Balibo Five iha Balibo Liu husi esforsu SEKOMS, konsege harii edifisiu nee ho Ekipamentus kompletu ona 100% no ohin inaugura ona.
Nunee mos Sekretáriu Asuntu Sosial, Julio Carvalho Caoro, lori Prezidente Autoridade Munisipiu Bobonaro Nia naran, sente ondrado no orgulhu boot tebes, ho Jornalista nain 5, iha Tian 1975 hetan trajedia iha Balibo, tanba nee dalan Sae ba Monumentu Balibo, Ami fo naran avenida Liberdade Impresa,” haktuir Julio.
Nia mos orgulhu tanba ohin SEKOMS Apoiu ona edidisiu ho fasilidade ba radio Komunidade Fronteira Balibo Five, nunee Hahu ohin, komunidade Sira bele rona ona Lian Dezenvolvimentu kada loron ona.
“Hahu ohin ba oin, Ami uza radio Komunidade Fronteira Balibo Five nuudar instrumentu Edukasaun no informatifu iha Balibo, Ami sei lauza ba kestaun politika oi-oin no rekomendasi atu tau mos Fatin treinamentu ba jornalista sira, atu istoria Jornalista nain 5 nee kontinua morin nafatin iha Balibo,” afirma Nia.
Tuir observasaun STL iha serimonia Inaugurasaun radio Komunidade Fronteira Balibo Five Balibo ho bensaun husi Amo parokia Santo Antonius Balibo, koa Vita, vizita transmiter Radio, koa keek no sampaio, talk show no kafe lokraik hamutuk.
Jornalista: Joseph Koa
Editor: Joseph Koa
