DILI, STLTIMORLESTE.com – Servisu Edukasaun Munisipiu (SEM) Bobonaro laiha konhesimentu kona-ba esplorasaun neebe halao husi Diretor Ensinu Baziku Central (EBC) iha Hauba, ba estudantes hodi partisipa iha ezame nasional.
Liafuan nee haktuir husi Diretor Servisu Edukasaun Munisípiu Bobonaro, Miguel Freitas ba STL liu husi telefone, Kinta (16/10/2025).
Nia katak, horiseik nia parte simu telefone husi nasional mak foin hatene.
“Hau horiseik mak husi nasional mak telefoni mai mak hau foin hatene, agora sira nian planu neebe mak realiza iha eskola ida-idak, buat neebe mak sira halao iha nee ba laiha informasaun no relatóriu neebe mak hatama mai Edukasaun Munisipiu laiha. Tanba nee hau seidauk hasoru ou seidauk ba iha EBC refere tanba horseik ami husi edukasaun mos iha atividades. Neebe hau seidauk ba too iha terenu, maibe hau sei bolu Direitor nee halo konfirmasaun ba asuntu ida nee,ami iha nee laiha konhesimentu,” dehan nia.
Nia dehan, SEM Bobonaro sei bolu Direitor refere para bele halo konfirmasaun, oinsa sira nian asaun neebe halo kobransa nee, nia maneira nee lao halo nusa, tanba SEM Bobonaro laiha koinesementu. Dala ruma keta konvoka reuniaun ruma ho inan aman estudantes, tanba nee nia rasik sei bolu Direitor nee halo konfirmasaun.
Jornalista: Jacinta Sequeira
Editora: Domingas Gomes
