DILI, STLTIMORLESTE.com – Feto nia servisu dobru tantu iha familia nomos iha publiku. Dala barak sira haluha sura oras, importante ba sira mak halo hotu servisu.
Tuir Feto Potensial Maria Amaral katak, feto sira nia servisu dala barak laharee ba oras, sira nia objetivu mak halo serbisu hotu. Ezemplu iha uma laran, dader tuku 5 feto sira sempre hader ona hodi prepara hahan iha familia, no balun tenke lori oan ba eskola no sira neebe ba serbisu ba liu serbisu. Meudia nee lolos ba sira tempu deskansa, maibe dala barak sira la deskansa tenke ba hasoru oan iha eskola nomos prepara hahan ba familia no tuku 2 lokraik sira tenke fila ba serbisu. Inan sira neebe lahalo serbisu iha publiku, sira dader prepara hahan no lori oan ba eskola, fila mai fase ropa no servisu seluk.
“Inan feto sira serbisu laharee ba oras, importanteba sira mak halo hotu serbisu uma laran nian,” dehan nia ba STL iha Kaikoli, Segunda (20/10/2025).
Nia hatete, serbisu feto domestika iha familia barak liu kompara ho mane sira, ida nee realidade neebe feto sempre halo iha familia nomos iha publiku.
Nia hatete, inan sira neebe mak hela iha uma la signifika katak sira han toba deit, maibe sira mos halo servisu.
Nunee mos Chief, Gender Equality and social Inclusion section, Social Development Division, Cai Cai liu husi diskursu hatete, dala barak feto sira halo serbisu barak tebes kuaze 50% husi serbisu domestika nian.
“Se ita kompara mane sira nia oras 17 deit, entau des balansu ba iha balansu ida nee mosu diversaun boot ba feto sira nia involvimentu,” dehan nia.
Diferensia sira nee iha implikasaun boot laos deit ba feto maibe ba mos rejultadu husi politika Governu nia kresementu ekonomia nomos servisu publiku.
Jornalista: Emerenciana Pinto
Editora: Domingas Gomes
