DILI, STLTIMORLESTE.com – Inspetores eskolar sira iha Munisipiu Dili halao monitorizasaun ba ezame nasional loron dahuluk iha eskola sira Munisípiu Dili.
Superintendente Edukasaun Munisipiu Dili, Cesarina Correia Guterres dehan, kada inspektor no inspektora ohin monitorin eskola 2.
“Kada inspetor no inspetora ohin monitorin eskola 2 inklui hau. Relasiona ami nia atividade monitorizasaun ezame nasional, ohin ita nia inspetor no kadeira inspetora sira inklui hau halo movel ba eskola sira. Agora ami liu ba iha eskola ESG 12 de Novembro,” dehan nia ba STL, Segunda (20/10/2025).
Nia dehan, ohin hanesan loron dahuluk ezame nasional ba estudantes sira, tanba nee inspektor no inspektora sira nafatin halo monitorizasaun ba eskola sira, liga ho atividades ezame nasional loron primeiru nian iha eskola sira Munisípiu Dili.
Jornalista: Jacinta Sequeira
Editora: Domingas Gomes
