DILI, STLTIMORLESTE.com – Inspetores eskolar ba nivel pre eskolar nain 2, tanba nee kada nain 1 tenke kobre eskolar sira iha postu 3.
Haktuir Diretor Servisu Edukasaun MunisÃpiu Bobonaro, Miguel Freitas ba STL liu husi telefone, Tersa nee (21/10/2025).
Nia dehan, konaba inspektor eskolar nee sufisiente.
“Foin lalais ida mak mate ona, maibe nudar Diretor propoin tiha ona, maibe seidauk iha rejultadu neebe fo fali ba iha sira. Agora dadaun total inspektores eskolar iha Bobonaro hamutuk 11, nee hahu husi nibel ensinu pre eskolar, ensinu baziku, ensinu sekundariu no tekvo,” dehan nia.
Nia hatete, sira nee balun mak halo sakrifisiu hanesan pre eskolar nian iha nain rua deit, ida kobre ba postu 3. Ida nee mak dezafiu boot ba inspektor sira. Konaba transporte nee sira hetan motorizada.
“Ita nian pre eskolar 59, ensinu baziku 144, ensinu sekundariu jeral iha 11 no tekvo 6,” nia afirma.
Iha parte seluk Direitor Servisu Edukasaun Munisipiu Manatuto, Patricio da Cruz Quintao hatete, inspetor sira halo inspesaun nee ba atividades prosesu aprendizajen, prezensa professor sira, merenda eskolar no konsesaun eskolar.
Jornalista: Jacinta Sequeira
Editora: Domingas Gomes
