DILI, STLTIMORLESTE.com – Estudantes feto nain 5 husi Eskola Sekundariu Nobel da Paz gravida, maibe nain 2 partisipa ezame nasional no nain 3 la partisipa.
Asuntu nee hatoo husi Diretor Eskola Sekundariu Nobel da Paz, Jeremias P.de Jesus ba STL, Kuarta (22/10/2025).
Nia dehan, eskola nee estudante isin rua iha, maibe sira tuir ezame nasional.
“Hau la haree maibe dehan ita nian estudantes feto nain 2 ho kondisaun gravida, sira nain 2 mai partisipa iha ezame nasional. Tuir lo-loos gravida nee nain 5, maibe nain 2 mak tuir ezame nasional no nain 3 la tuir ezame,” nia tenik.
Nia dehan, karik nain 3 neebe la tuir ezame nee, Segunda ba oin mai fali eskola karik sira bele tama iha segundu xamada ninia. Iha loron primeiru nian, 630 estudantes ensinu sekundariu partisipa iha ezame nasional, maibe iha loron primeiru nee 40 estudantes mak la partisipa iha ezame nasional.
Nunee mos Diretor Eskola Hotelaria e Turizmu Becora, Charles F. Guterres dehan, sira nian eskola estudantes laiha gravida, nee duni estudantes feto sira tuir hotu ezame nasional no laiha gravida.
Jornalista: Jacinta Sequeira
Editora: Domingas Gomes
