DILI, STLTIMORLESTE.com – Aban Sesta (23/10/2025) estudantes husi nibel sekundariu jeral, tekvo no ensinu baziku sei kontinua ho ezame lokal, tanba ohin Kinta finaliza ona ezame nasional.
LIafuan nee haktuir husi Diretor Servisu Edukasaun MunisÃpiu Liquica, Julio da Silva ba jornalista STL liu husi telefoni, Kinta (23)10/2025).
Nia dehan, ezame nasional ohin remata ona, no aban Sesta too Segunda estudantes sira kontinua fali ba ezame lokal durante loron tolu nian laran.
“Aban Sesta nee ita nian estudantes husi nibel ensinu baziku no sekundariu kontinua ba iha ezame lokal durante loron tolu too Segunda mak foin remata. Ohin nee sira finaliza ona ezame nasional, nee ba ita nian estudantes nibel sekundariu,” nia afirma.
Total estudantes neebe mak partisipa iha ezame nasional, ba ensinu baziku hamutuk 1,529, sekundariu jeral 1,261 no tekvo 186.
Nia katak, ezame lokal nee husi eskola ida-idak mak halo. Materia primeiru mak relijiaun moral nee hotu-hotu hanesan deit, tanba ida nee husi eskola ida-idak mak sei halao ezame lokal.
Nunee mos Diretor Eskola Sekundariu Nobel da Paz, Jeremias P. de Jesus hatete, ohin estudantes sira finaliza ona ezame nasional, no aban Sesta estudantes sira sei partisipa fali ezame lokal loron tolu nian laran.
Jornalista: Jacinta Sequeira
Editora: Domingas Gomes
