DILI, STLTIMORLESTE.com – Sarani presiza hametin fiar ba sagrada eskritura, tadisaun no majisteriu, ai-riin tolu nee mak fundamentu ba fiar kristaun Katolika nian.
Kestaun nee hatoo husi Padre, Manuel da Silva Ximenes liu husi nia omilia iha selebrasaun misa vizita Saun Jose, iha Bairu Badulu, Suku Wailili, Sabadu (25/10/2025).
Padre husu sarani idak idak atu hametin fiar ba Maromak liu husi sagrada tolu. Tanba Kristaun Katolika iha buat tolu neebe sai fundamentu ba sarani, premeiru mak sagrada eskritura, segundu mak tradisaun no terseiru mak majisteiru, no airin tolu nee lahaketak sarani no airin tolu nee mak fundamentu ba fiar kristaun Katolika nia.
Padre nee kontenti mai selebra misa eukaristia hamutuk ho sarani sira, no preveleizu ida katak ho vizita saun Jose bele vizita ona sarani sira.
“Sente kontenti mai selebra misa eukaristia hamutuk ho sarani sira iha nee, no Preveleiju ohin ho vizita saun Jose mai iha fatin ida nee, no hateke ba saun Jose ita haree saida, premeiru hau hakarak partila ba imi hodi hatete kestaun Katolika iha ninia identidade rasik, identidade mak kultura no identidade fiar, nuudar sarani hola parte identidade,” dehan Padre Selebrante nee.
Nia afirma, ho vizita Sua Santidade Papa Francisco iha Tasi Tolu hatoo mensajen katak, ema nia fiar mak sai nia kultura, tanba ho kultura fiar ida nee mak tinan tinan selebra padreiru Saun Jose nia sempre halo prosesaun hola parte iha kultura no identidade kristaun Katolika. iha Kristaun Katolika iha buat tolu neebe sai fundamentu ba sarani premeiru mak sagrada eskritura, segundu mak tradisaun no terseiru mak majisteiru, no airin tolu nee lahaketak sarani no airin tolu nee mak fundamentu ba fiar kristaun Katolika nia.
“Kuandu ita koalia kona-ba sagrada eskritura ita koalia konaba Maromak nia liafuan, Maromak nia liafuan neebe moris, no Maromak nia liafuan laos liafuan mate maibe liafuan dinamiku liafuan moris, entau ema neebe kontaktu bebeik ba Maromak nia liafuan nia moris rasik ninia liafuan sai fali liafuan moris,” dehan Padre Manuel.
Padre Manuel dehan, bainhira reza Eskritura rona no konteplan Maromak koalia ho ema neebe reza tanba nee labele koko haketak aan ho Sagrada eskritura, depois iha tradisaun nee mai husi aman kreda nia, nemak santo no santa sira apostolu sira uluk sira neebe fo tesmunha ba Maromak, kuandu ema fo testamunha ba Maromak hodi trasmite ba ema katak Jesus nee iha tanba nee ema simu sakramentu batizmu.
No teriseiru mak Majisteiru mak Amh Papa nia karta sira karta apostolika sira fo hanoin ba sarani, tanba nee iha kristaun Katolika iha fundamentu tolu neebe fo forma sai ema katolika neebe ho lolos.
“Tanba nee maki ta nia doutrina dehan kuandu iha selebrasaun Padroeiru nia festa lori sai santu sira ema neebe lafiar dehan hiit fatuk tun sae deit ema koalia hanesan nee ba ita, maibe ita laos hateke bas aida mak iha neeba, ita hateke ba nia moris, hatene ba saun Jose ita haree ba nia moris neebe nia besik liu ba Maromak,” dehan Padre nee.
Padre nee hatutan,nuudar ema presiza lori aan hakbesik ba Maromak liu husi reza loron loron hodi koalia no hatoo, saida mak ema idak idak hasoru iha moris loron ba loron.
Jornalista: Emerenciana Pinto
Editora: Carme Ximenes
