DILI, STLTIMORLESTE.com – Tribunal Judisial Primeira Instansia Dili (TJPID) halao julgamentu ba arguidu ho inisial EVG, tanba komete krimi hasoru lezada IR.
Tuir faktus katak, iha loron 15 fulan Junhu tinan 2025, iha Kamea Dili, iha oras mais ou menus 20h00 kalan, momentu neeba arguidu uza termu be manas nia hodi baku kona dala ida iha lezada nia kotuk laran, hafoin uza mos kadeira masa ida hodi baku mos dala ida iha lezada nia isin kauza kanek no halo mos ran sai husi ulun.
Motivu husi agresaun fisika nee, tanba lezada hadau telefone husi arguidu, tanba momentu neeba arguidu kolia liu husi telfone ho feto seluk.
Konsekuensia husi arguidu nia hahalok nee maka halo lezada sinte moras, no kanek iha ulun tanba hetan baku ho termo be manas no kadeira masa husi arguidu, hafoin lezada hetan tratamentu iha Sentru Saude.
Arguidu, halo ho forma livre, deliberada no konsiente, hatene momos katak, uza liman hodi tuku iha inus no ibun kulit, hele kauza moras, kanek no bubu maibe arguidu halo nafatin nia hahalok nee, hanesan meius ou instrumentu ida neebe mak aptu no adekuada.
Arguidu mos hatene hela katak, nia hahalok sira nee proibidu tuir lei penal. Tanba nee, arguidu nuudar autor material ba pratika krime ofensas ba integridade fisika simples, previstu tuir artiga 145 Referensia ba Lei no 7/2010, haktuir ba artigu 2,5, no 35, ba Krime Violensia Domestika.
Hatan ba faktus nee arguidu konfesa katak, momentu neeba arguidu telefone duni feto seluk, maibe atu husu konaba servisu.
Arguidu deklara, be termus neebe iha fakar kona-ba ba iha fatuk laran, kadeira maka kona iha lezada nia ulun. Maibe depois de problema sira diak malu fali.
Lezada mos reforsa tan, saida maka konsta iha akuzasaun, maibe agora sira diak malu ona.
Rona tiha arguidu no lezada, iha alegasaun Prokurador husu atu aplika pena multa ba arguidu. Defeza mos aseita ho pedidu Ministeriu Publiku (MP) nian, husu Tribunal atu aplika pena multa ba arguidu tuir sosiu ekonomi arguidu nian.
Rona tiha alegasaun, Tribunal adia ba loron 30 tuku 5 hodi rona desizaun.
Audensia nee, prezide husi Juiz Ivan Patrocenio, Ministeriu Publiku reprezenta husi Prokurador, Hernani Rangel, arguidu hetan asistensia legal husi Defensor Publiku, edtajiadu nain ida Genine Daos.
Jornalista: Terezinha De Deus
Editora: Carme Ximenes
