DILI, STLTIMORLESTE.com – Prezidente Republika (PR), Jose Ramos Horta kongratula no parabens ba Prezidente foun Irlandia nian.
Iha loron Segunda nee (27/10/2025) Prezidente Republika Jose Ramos Horta hatoo ninia parabens ba Catherine Connolly ba nia eleisaun istoriku nuudar Prezidente Irlanda nian ba dala 10.
Iha karta felisitasaun ida neebe diriji ba Prezidente Irlandia nian ba dala 10, Catherine Connolly, Prezidente Ramos Horta hateten, vitoria neebe sai testamunha ba fiar no konfiansa neebe profundu husi povu Irlandia.
“Ita boot nia vitoria neebe mak testemunha ida kona-ba fiar no konfiansa neebe profunda povu Irlandia iha ba ita boot nia vizaun, integridade no dedikasaun ba moris tomak ba justisa sosial, igualdade no pas. Ideal sira neebe mak orienta ona ita boot nia servisu publiku distintu rezoan profundamente ho prinsÃpiu sira demokrasia nian, inkluzaun no solidariedade neebe unidade ita nia nasaun rua,” dehan PR Horta.
Xefe Estadu hatete, Timor Leste konsidera ho respeitu aas liu amizade no lasu sira neebe metin ho povu Irlandia nian, nasaun ida neebe nia apoiu metin ba direitus umanus, dezenvolvimentu no kooperasaun internasional, kontinua inspira ema barak iha mundu tomak.
Prezidente espresa ninia konfiansa katak iha Prezidente Connolly nia lideransa, Irlandia sei hametin liu tan ninia kontribuisaun sira ba pas global, dezenvolvimentu sustentavel no valor universal sira neebe liga umanidade hamutuk.
Jornalista: Emerenciana Pinto
Editor: Xisto Mendonça
