DILI, STLTIMORLESTE.com – Primeiru Ministru (PM), Kay Rala Xanana Gusmão hatete, nia tanis iha Malazia bainhira asina Timor Leste sai membru ASEAN, tanba sente empresinadu.
Xefe Governu hatoo kestaun nee ba jornalista bainhira remata halai enkontru semanal ho Prezidente Republika, Jose Ramos Horta iha Palasiu Prezidensial, Nicolau Lobato, Bairo Pite, Dili, Kinta (30/10/2025).
“Sente empresionadu tebes tanba hotu hotu simu ho kontente ho prezensa lider internasionais hanesan sekretariu Jeral ONU, Prezidente Konselhu Komisaun Europeia Antonio da Costa organizasaun oin oin rai oin oin iha neeba ita sente empresionadu, tanba Prezidente Lula mos iha neeba sente hanesan buat ida emosinadu, hau hanoin katak toba iha neeba iha samit nia laran dehan katak o tama ona agora o bele koalia mais hau la espera,” dehan PM Xanana.
Primeiru Ministru mos hatoo agradese ba Heroi sira neebe mak mate ona, tanba ho nia grasa no akompanhamentu mak ohin loron Timor Leste bele hakat tan pasu importante ida nee marka istoria ida tan, tanba Timor Leste sai ona membru ASEAN.
“Hodi simu hotu neebe mate ona nee, dehan katak ita ba tan hakat tan dala ida ona tanba buat nee kleur ona 2011,maibe ita mos iha problema iha nee tenke rezolve tenke haree ita nia vizaun oinsa buat sira nee hotu ida nee mak Anwar iha Samit iha Laos dehan, o tenke ba iha kuala Lumpur para ita koalia hau hakarak imi tama, ida nee mak ami koalia neebe akordo barak Governu ratifika balun fo ba parlamentu mak ratifika ida nee mak imi seidauk hatene hotu,” hatete Xefe Governu.
Xanana hatete, oras nee lider tuan idade avansadu ona tanba nee jerasaun foun mak tenke prepara aan hodi lori rai nee ba oin. Tanba nee jerasaun foun presiza prepara aan ho diak hodi lori Timor lao ba oin.
Aleinde nee oras nee dadaun Timor Leste tama ona ASEAN nee mos responsabilidade boot tebes oinsa Primeiru Ministru nia haree kona-ba membru Governu neebe laiha dezenpenho serbisu ladun diak hanesan Ministra Saude, Edukasaun no Sekoms rasik hatan ba kestaun Primeiru Ministru hatete , Ministra Edukasaun laiha dezenpenho ka pois mak haree tok, “Ita boot propoin se ita hakarak sai Ministra edukasaun pois mak ba,” katak nia.
Iha biban nee Primeiru Ministru husu sidadaun sira loron finado lori aifunan tau matebian sira neebe mate ona nunee bele fo matak malirin ba familia neebe sei moris.
“Fila ba tau aifunan ba sira neebe husik ona ita husu ba sira akompanha nafatin ita, Iha finado nee ita ba tau aifunan ba sira neebe mate hodi husu ba sira akompanha nafatin mai ita,” Hakotu nia.
Jornalista: Emerenciana Pinto
Editora: Carme Ximenes
