DILI, STLTIMORLESTE.com – Komando FALINTIL-Forsa Defeza Timor Leste (F-FDTL) lakon tan membru nain ida ho naran Abel Pereira, Postu Segundu Sargento, hakotu iis iha Hospital Nasionál Guido Valadares (HNGV), iha Tersa (04/11/2025) dader nee.
Tuir informasaun husi fontes konfirmadu iha HNGV katak, matebian hetan atakasaun fuan iha Baguia, depois evakua mai kedas iha HNGV. Familia evakua mai iha Sabadu, maibe labele salva tanba kondisaun neebe grave tebes. Too iha nee fo tiha tratamentu mak foin hakotu iis.
“Militar nee mai ho kondiasun sofre moras kurasaun, tanba too iha HNGV ita nia doutor sira fo ona atendimentu neebe diak, maibe too iha nee kondisaun neebe grave ona ita labele salva nia vida,” hatete fontes konfirmadu nee ba STL liu husi telefone iha HNGV, Tersa (04/11/2025).
Entretantu Saudozu Abel Perreira hetan atakasaun fuan iha nia rezidensia Baguia, Munisípiu Baucau, iha Sabadu (01/11/2025) nee hafoin evakua kedas mai iha HNGV Dili, ikus la salva nia vida no hakotu iss.
Saudozu Abel Perreira halao nia servisu iha Kuartel Jenerál F-FDTL Fatuhada, iha divizaun Pesoal (D1), Saudozu hakotu iis tanba sofre moras kurasaun.
Entretantu Saudozu Segundo Sargento Abel Perreira inkorpora iha Instituisaun F-FDTL iha 2009.
Jornalista: Jeniche da Costa
Editora: Domingas Gomes
