DILI, STLTIMORLESTE.com – Ministeriu Interior (MI) liu husi Polisia Nasional Timor Leste (PNTL), rejistu kazu insidente no asidente hamutuk 78.
Portavoz Seguransa Interinu iha MI, Superintendente Assistente Polisia, Mouzinho T. Correia dehan, kona-ba asuntu seguransa nian ba publiku husi periodu loron 27 Outubru too 02 Novembru 2025 ho transparante no kredivel, tanba durante periode ida nee akontese insidente ho asidente.
“Ita hahu ho asidente husi loron 27 Outubru too loron 2 Novembru 2025, total hamutuk 78,” hatete portavoz nee ba jornalista sira, liu husi konferensia imprensa iha salaun MI Vila Verde, Kinta (06/11/2025).
Nia tenik, husi numeru 78 kazu ida nee ba iha top 5 asidente neebe maior iha teritoriu nasional, maka violensia domestika sei okupa fatin dahuluk ho total 34 insidente.
“Ita haree ba asaltu 22, asaltu seksual 5, estraga propriedade 5 no fortu 5. Tipu insidente 5 nee mak maioria iha semana refere,” nia esplika.
Nia informa, husi insidente sira nee hamosu tipu kazu krimi oin-oin, tanba insidente nee hamosu 84 tipu krimi. Neebe husi 84 nee ofensa ba integridade fízika simples sei domina ho total 25 kazu, maustratu 21, amanda 5, furtu agravadu 4 no danu simples iha 4.
Aleinde nee mos iha asidente trafiku sira neebe involve motor ho kareta iha 39 neebe akonese iha teritoriu nasional tomak.
“Mate nain 7, kanek todan nain 5 nomos kanek kmaan iha nain 40 neebe durante nee ita rejistu,” nia deklara.
Entretantu asidente neebe akonese iha Munisipiu 14 hamutuk 39, kanek kmaan 40, kanek todan nain 5 no mate iha nain 7.
Jornalista: Jeniche da Costa
Editora: Domingas Gomes
