DILI, STLTIMORLESTE.com – Prezidenre Republika (PR), Jose Ramos Horta preokupa ho mediku ka infermeira no doutor sira neebe mak halo servisu iha suku sira iha area remotas, tanba laiha hela fatin neebe diak ba sira hodi hela ba halao servisu.
Xefe Estadu hatoo kestaun ba jornalista sira bainhira remata vizita eskola Z&Z Eschool Internasional Bebonok, Sesta (07/11/2025).
PR hatete, nia preokupa liu mediku, parteira no doutor sira neebe halao knaar iha suku sira, tanba fatin neebe sira hela laiha, tanba nee nia husu Governu liu husi Ministra Saude presiza tau atensaun.
“Hau preokupa liu doutor sira iha suku sira tau doutor sira iha neeba uma mos laiha nemak tenke prioridade ida ba Governu favor senhora Ministra Saude visi Ministru, primeiru Ministru haree oan sira mediku, emfermeiru parteira sira iha suku halo uma ida kualidade ba sira, halo sentru mediku ida ho kualidade iha neeba,” dehan PR, Horta.
Prezidente Republika husu Governu liu husi Ministra Saude haree mediku sira neebe halao knaar iha suku sira ,presiza halo uma ida kualidade nunee sira hela hodi halo serbisu no presiza mos be mos. “hau haree sentru, mediku ita nia barak iha foho nee moris aat los,” dehan PR, Horta.
Aleinde nee Parlamentu Nasional husu intituisaun relevante halo investigasaun ba mal pratika ba mediku balun, hatan ba kestaun nee Prezidente Republika hatete, labele kritika deit katak buat hotu lao ladiak, maibe iha mediku Timoroan lubuk neebe halao serbisu ho diak no profisional.
Xefe Estadu hatete, labele boa kritika deit katak buat hotu lao ladiak, tanba iha ona mediku Timorense neebe diak tebes, no Prezidente nia esperensia rasik ba iha ospital dalaruma kazu balun difisil perigozu tebes mediku Timoroan sira mak halo intervensaun halo seruzia, presiza liu mak ekipamentu modernu.
“Bainhira sosa ekipamentu rekruta kedas tekniku ba ekipamentu mediku se ita laiha ema neebe professional ba ekipamentu, enjeneria ba ekipamentu mediku, enjineria medicina nee komplikadu halo manutensaun,” hatete Horta.
Jornalista: Emerenciana Pinto
Editora: Carme Ximenes
