DILI, STLTIMORLESTE.com – Estudantes husi Eskola Hotelaria no Turizmu Bekora laiha ezame terseiru periodu, maibe estudantes 159 sei tuir ezame modular.
Haktuir Diretor Eskola Hotelaria no Turizmu Bekora, Charles F. Guterres ba jornalista STL iha nia knaar fatin Bekora, Sesta (07/11/2025).
“Eskola Vokasional sei la realiza ezame III periodu, maibe ezame modular. Signifika katak bainhira mestre ida hanorin hotu ona nia modul bele direitamente halo avaliasaun ba modul neebe nia hanorin ba 159 estudantes,” nia esplika.
Nia afirma, estudantes hirak nee prepara aan para bele partisipa iha ezame modular ninia, tanba estudantes husi Ensinu Tekvo sira laiha ezame terseiru periodu, maibe iha deit mak ezame modular ninia.
Nunee mos Diretor Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Bekora, Díli, Tomas Pinto dehan, sira eskola tekvo laiha ezame pasajen, maibe iha deit ezame modular ninia.
Jornalista: Jacinta Sequeira
Editora: Domingas Gomes
