DILI, STLTIMORLESTE.com – Fator ida neebe afeta feto bainhira asumi pozisaun importante sira mak laiha konfiansa husi superior mane sira.
Liafuan nee hatoo husi Xefe Kaza Sivil Prezidensia Republika, Jesuina Maria Ferreira Gomes, liu husi nia diskursu iha Palasiu Prezidensial Nicolau Lobato, Bairo Pite, Kinta (05/11/2025).
Nia hatete, dala barak feto sira lahetan pozisaun tanba laiha konfiansa husi superior ba kapasidade feto atu servisu hanesan mane.
“Fator neebe afeta Feto atu okupa iha pozisaun, primeiru mak level konfiansa husi superior ba kapasidade feto atu servisu hanesan mane, segundu mak konfiansa superior ba kapasidade no kompetensia servisu feto sira, terseiru vontade superior hodi fo tratamentu espesial ba feto sira liga funsaun saude reprodutiva,” dehan Xefe Kaza Sivil nee.
Feto Potensia nee haktuir, haree ba bareira neebe mak sempre taka dalan ba feto buat neebe ema presiza luta mak hasae solidaridade entre feto sira katak feto ho feto presiza apoiu malu, no enkoraja malu, hadia politika, no hasae koinesementu.
Nia hatutan, iha Presidensia ho urgulhu implementa politikas boas pratikas no empoderamento feto ho lideransa feminina iha pozisaun save feto nain 3.
Husi total funsionariu no pesoal hamutuk 510, feto 130 ka 25%. Husi pozisaun 26, feto neebe assumi kargu 11 ka 44%. Dadus sira nee hatudu katak iha dalan naruk atu lao.
Jornalista: Emerenciana Pinto
Editora: Domingas Gomes
