AILEU, STLTIMORLESTE.com – Prezidente Republika (PR), Jose Ramos Horta hatete, media privadu barak iha Timor Leste hasoru difikuldade kona-ba ekipamentu.
Maske media privadu sira hasoru difikuldade oin liu liu menus ekipamentus, maibe Xefe Estadu dehan, sira hatudu vontade serbisu neebe diak tanba nee durante nee media sira hatudu avansa makaas no diak iha sira nia kobertura serbisu loron loron nian. No Timor Leste nia demokrasia mos lao diak renking sae diak.
Tanba tuir Prezidente Republika, roriseik rengkin sae iha media internasional kona-ba Seguransa, rai neebe seguransa diak iha ASEAN nee Entre 10 Timor seguransa diak Iia ASEAN hamutuk ho Singapura, haree karik Prezidente nia Facebook haree informasaun nee, media Fredow mos aas tebes.
“Maske media mos Iha difikuldade oin oin, difikuldade menus ekipmentus imi sira halo serbisu diak ho didikasaun hau temi media sira komersial no sira neebe serbisu estadu nia iha kondisaun hotu maibe sira neebe privadu nee SMNEWS TVE, GMN Privadu,“ katak PR, Horta.
Nia afirma, media Estatal hanesan RTTl, Tatoli nee kondisaun diak no iha ekipmentu, maibe media privadu hasoru difikuldade oin oin menus ekipamentu no seluk tan.
“Ita haree tinan hira nia laran ita nia media avansa diak liu nemak demokrasia kuandu hetan liverdade imprensa,” katak Horta.
Iha biban nee Xefe Estadu hatete. Timor Lesta tama ASEAN tanba mos kontibuisaun makaas ho matenek no vizaun husi, Kay Rala Xanana Gusmao.
Jornalista: Emerenciana Pinto
Editora: Carme Ximenes
