DILI, STLTIMORLESTE.com – Servisu Edukasaun Munisipiu Vikeke submete ona lista profesores reforma obrigatoriu hamutuk 137.
Lia hirak nee hatoo husi Diretor Servisu Edukasaun Munisípiu Vikeke, Julio Sacadura ba jornalista STL liu husi telefone, Sesta nee (14/11/2025).
“Ita nian dadus profesores atu tama ba iha idade reforma obrigatoriu iha Vikeke hamutuk 137, nee lista ita submete ona ba iha Ministériu Edukasaun Nasional liu husi parte Rekursu Umanu ninia, nomos profesores hirak neebe mak moras hanesan ain tesi tiha ona, neebe mak la halao ona atividades nuudar professor, ida nee sira hamutuk nain tolu, maibe dadus lo-loos tuir idade nee mak 137,” tenik nia.
Julio akresenta, nee duni dadus reforma profesores 137 nee haruka ona ba iha nasional, profesores hirak nee mak sei tama reforma obrigatoriu iha tinan 2026, husi numeru nee identifika iha nivel eskolaridade.
Jornalista: Jacinta Sequeira
Editor: Xisto Mendonça
