DILI, STLTIMORLESTE.com – Estudantes husi eskola sira Munisipiu Manatuto halao ezame pasajen lao ho diak, no Servisu Edukasaun Munisipiu nee orienta Direjente eskola sira halao ezame refere bele lao ho diak.
Tuir Diretor Servisu Edukasaun Munisipiu Manatuto, Patricio da Cruz katak, ezame pasajen iha munisipiu lao diak hela, tanba professores balun tuir hela formasaun no balun asegura hela ezame pasajen ninia. Nee duni ezame iha nee lao diak hanesan bai-bain.
” Ita nian orientasaun atu eskola sira bele halao ezame nee ho diak liu tan no estudantes sira sei partisipa masimu iha ezame refere,” dehan nia ba STL liu husi telefone, Kuarta (19/11/2025).
Nia dehan, ezame pasajen halao hahu husi loron primeiru too mai ohin loron buat hotu lao ho diak, no hetan partisipasaun estudantes husi nibel ensinu baziku too nibel sekundariu jeral, tanba ezame nee sei halao durante semana ida nian laran nomos inspektor eskolar sira tun iha terenu halo observasaun.
Iha fatin seluk Diretor Servisu Edukasaun MunisÃpiu Bobonaro, Miguel Freitas hatete, konaba ezame pasajen ninia, nee eskola ida-idak mak sei prepara materia, ho nunee estudantes sira bele halao ezame refere.
Jornalista: Jacinta Sequeira
Editora: Domingas Gomes
