DILI, STLTIMORLESTE.com – Ministru Interior (MI), Francisco da Costa Guteres kondena makaas aktu husi joven sira, iha Kinta madrugada hakanek ka sona Membru Polisia Nasional Timor Leste (PNTL) husi Korpu Seguransa Pesoal “CSP”.
Membru CPS nee hetan sona husi joven sira iha Vila verde, iha Kinta madruga (20/11) haleu tuku 04:00 dader.
“Ita investiga no buka tuir hela, hetan prontu ba hatan. Ida nee hatudu katak, indisiplinadu sira komete ona krime, sira tenki ba hatan iha Tribunal no Tribunal desidi kumpri, oinsa mak nee ona”, hatete Ministru Interior (MI), Francisco da Costa Guterres ba jornalista sira, iha PN, Kinta (20/11/2025).
Governante nee mos preokupa ba oin kazu krime sira hanesan labele akontese tan. Nunee nia husu ba PNTL tenki foti medidas ba kualker joven se deit mak ameasa polisia hanesan autor ordem publika.
Nia dehan, kualker joven se deit mak buka para estraga nia, nia mos iha direitu lejitimu hodi halo defeza nee lei iha. kuidadu para lalele rezulta vitima.
“Prontu ohin membru CSP nee vitima, mais tenki buka tuir autor nee too hetan, ita hakarak impoin regras hotu-hotu tenki obedese. Tanba joven sira halo hanesan nee, nia hanoin nee la diak, hanoin krime para hakarak kria estabilidade no problema”, nia lamenta.
Ministru nee mos ameasa sei foti medidas forsa ba sira, tanba sira-nia hanoin ida hanesan nee tenki foti kedas medidas forsa rigorozu ba sira suspeitu sira.
Jornalista: Tomas Reis
Editora: Carme Ximenes
