DILI, STLTIMORLESTE.com – Prezidente Republika (PR), Jose Ramos Horta hatoo agradese ba hanoin diak husi Sekretariu Jeral Partidu FRETILIN neebe iha hakarak intendimentu lideransa tuan hamutuk dezenvolve rai nee.
Liafuan nee haktuir husi Prezidente Republika Jose Ramos Horta ba jornalista iha salaun UCT Balide, Tersa (25/11/2025).
Horta apresia no agradese ba Sekretariu Jeral Partidu FRETILIN neebe iha hakarak intendimentu lideransa tuan hamutuk dezenvolve rai nee, maibe koalia ho Primeiru Ministru Kay Rala Xanana Gusmão.
“Nee hau hatete obrigado agradese boot, nee hanoin diak maibe tenke koalia ho Avo Nana laos koalia fali ho hau,” dehan nia.
Antes nee iha loron 19 Novembru 2025, Sekretariu Jeral Partidu FRETILIN, Marí Bim Amude Alkatiri hafoin enkontru ho Arsebispu Arkedioseze Dili Dom Virgilio Cardeal co Carmo da Silva SDB iha Kamara Exelensiastca Arkedioseze Metropolotania iha Lecidere, nia deklara nia hakarak buka intendimentu lideransa tuan sira, nunee hamutuk dezenvolve rai ida nee.
Nunee mos Reitor UCT, Padre Joel Casimiro Pinto hatutan, iha politika nee iha amigu no adversariu no lahase malu nee normal, maibe hanesan familia boot Timoroan tenke hamutuk ho esperito familiaridade hodi dezenvolve rai nee ba nee oin.
Jornalista: Emerenciana Pinto
Editora: Domingas Gomes
