DILI, STLTIMORLESTE.com – Profesores husi Eskola Sekundariu Jeral FINANTIL hahu halo koreksaun pontus ezame pasajen nian.
Diretor Eskola Sekundariu Jeral FINANTIL, Aniceto Berlelo dehan, profesores disiplina idak-idak halo hela koreksaun ba pontus ezame sira nee, tanba nee agora dadaun iha hela faze koreksaun nian laran, balun neebe mak hotu ona bele hatama dadaun ona.
“Pontus ezame pasajen nian nee, profesores disiplina idak-idak halo hela koreksaun. Agora daudaun iha hela faze koreksaun nian laran, balun neebe mak hotu ona bele hatama daudaun ona, atu nunee ita bele priense daudaun ona valor iha estudantes sira nian kaderneta no balun neebe sei iha koreksaun nian laran,” dehan nia ba STL, Kuarta (26/11/2025).
Nia katak, professores neebe mak remata ona koreksaun, nee sira tenke hatama daudaun ona mai iha eskola para bele prienxe ona estudantes idak-idak nian valor iha kaderneta. Tanba data fahe kaderneta ba ezame pasajen ninia sei halao iha loron 12 Dezembru tinan nee.
Iha fatin seluk, Diretor Eskola Sekundariu Nobel da Paz, Jeremias P. de Jesus afirma, bainhira ezame remata ona professor sira halo koreksaun ba pontus ezame, ho nunee remata koreksaun professores sira hatama dadaun ona, atu nunee bele priense iha kaderneta.
Jornalista: Jacinta Sequeira
Editora: Domingas Gomes
