DILI, STLTIMORLESTE.com – Prezidente Republika (PR), Jose Ramos Horta simu doasaun komputador husi delegasaun Bulgaria, iha Palasiu Prezidensial, Nicolau Lobato, Dili.
Iha loron Kuarta (26/11/2025) Prezidente Republika, Jose Ramos-Horta, simu delegasaun ida husi Republika Bulgaria neebe lidera husi Embaixadora Tanya Dimitrova. Enkontru diplomatiku nee serve atu hametin relasaun bilateral no diskute dalan ba kooperasaun futuru entre nasaun rua nee.
Durante vizita, delegasaun entrega ofisialmente komputador unidade 20 ba Prezidente. Ajuda tekniku nee oferese ho laran-luak husi Sr. Stanislav Koev husi Firma Advokasia Koev&Co atu apoia infraestrutura teknolojia no kapasidade dijital nasaun nian, espesialmente ba feto-raan Timoroan sira.
Prezidente Republika, Ramos-Horta hatoo ninia apresiasaun klean ba prezente nee, hodi agradese ba Embaixadora no mos Sr. Koev ba sira-nia apoiu. Prezidente nota katak kontribuisaun nee simboliza solidariedade entre nasaun rua no sei uza kedas atu hasae efisiensia operasional.
Jornalista: Emerenciana Pinto
Editora: Carme Ximenes
