DILI, STLTIMORLESTE.com – Ministeriu Edukasaun (ME) liu husi rekursu umanu nasional hamutuk ho Komisaun Funsaun Públika (KFP) no Institutu Nasional Seguransa Sosial (INSS) seidauk fo esplikasaun ba profesores neebe moras prelongada iha Munisípiu Dili nian kuaze 30.
Direitor Nasional Rekursu Umanu iha ME, Joao Amaral dehan, lolos iha Dili nee nain 50, maibe tanba balun tama ona iha reforma obrigatoriu ninia, entaun hela deit maka nain 30.
“Ami hamutuk ho KFP no INSS seidauk fo esplikasaun ba sira, tanba ami sei okupadu hela ho submete dokumentus husi ita nian bolsa kandidatu professores nibel sekundariu no tekniku vokasional ninia. Sira nian dokumentus nee ami informa ba Munisipiu sira, bele submete dadaun, depois ita halo esplikasaun,” dehan nia ba STL, Kinta (27/11/2025).
Nia akresenta, sira seidauk fo esplikasaun konaba lalaok moras prelongada ninia. Moras nee presiza hatama dokumentus saida, sekarik reforma ho moras prelongada ninia iha grau I, II no grau III.
“Grau I nee sekarik Professor nee halo tratamentu nee diak, nia mai submete fali dokumentus ho kondisaun neebe mak seidauk tama iha reforma obrigatoriu. Nee bele ativu fali servisu grau III, nee grave ona hein deit ita hasai desizaun ba sira,”nia haktuir.
Jornalista: Jacinta Sequeira
Editora : Domingas Gomes
