DILI, STLTIMORLESTE.com – Inspetores entrega ona relatóriu monitoring ba Servisu Edukasaun Munisipiu (SEM) Manatuto, liu-liu kona-ba problema infraestrutura eskola nian.
Diretor Servisu Edukasaun Munisipiu Manatuto, Patricio da Cruz Quintão hatete, inspetor sira neebe durante nee halo monitoring ba eskola sira neebe lokaliza iha Munisipiu Manatuto, monitorin hotu ona.
“Kona-ba ita nian inspetor sira neebe mak durante nee halo monitorin ba ita nian eskola sira neebe mak lokaliza iha Munisipiu Manatuto, monitoring hotu ona,no relatóriu ita nian inspetor sira entrega ona mai ami,no iha projetu barak los, liu-liu kona-ba ita nian kondisaun eskola sira neebe mak kategoria ba konstruksaun no reabilitasaun ninia,” dehan nia ba STL liu husi telefone, Kinta (27/11/2025).
“Konaba ita nian inspektor sira neebe mak durante nee halo monitorin ba ita nian eskola sira neebe lokaliza iha Munisipiu Manatuto monitorin hotu ona, no relatóriu ita nian inspetor sira entrega ona mai ami, no iha projetu barak los, liu-liu kona-ba ita nian kondisaun eskola sira neebe mak kategoria ba konstruksaun no reabilitasaun ninia,” dehan nia.
Patricio dehan, eskola hira mak aat, inspetor sira identifika dadus iha eskola los hotu ona, no sira aprejenta ona relatóriu monitorin nee ba SEM. Tanba nee iha dadus kompletu ona, maibe konaba dadus eskola hira,nee presiza konfirma ho xefi departamentu infraestrutura ninia, tanba nia mak iha dadus kompletu.
Jornalista: Jacinta Sequeira
Editora: Domingas Gomes
