DILI, STLTIMORLESTE.com – Estudantes departamentu 3 husi eskola Eskola Sekundáriu Téknika Vokasional ba Industria no Teknolojia (ESTV-IT) 28 de Novembro Becora-Díli menus ekipamentus pratika.
Diretur ESTV-IT 28 de Novembro Becora-Díli, Tomas Pinto dehan, ekipamentus no fasilidade seidauk kompleta masimum liu-liu ba iha area informatica no eletronica e eletricidade seidauk sufisiente.
“Ami presiza komputador 90 ba kada departementu no presiza instalasaun foun ba laboratorium neebe kualifikadu, no presiza mos rekursu , liu-liu iha area produtivo sira,” dehan nia
ba STL, Tersa (09/12/2025).
Tomas hatutan, presiza mos rehabilitasaun total ba sala de aulas neebe at total, no presiza kampo multi funsaun iha aredores eskola, atu estudantes sira halao pratika kada semana.
Iha parte seluk, Diretor Eskola Hotelaria no Turizmu Becora, Charles F. Guterres antes nee dehan, durante nee estudantes sira bainhira simu tiha teoria sira tenke halao pratika, maibe ekipamentus mak presiza aumenta tan ba estudantes sira hanesan komputador.
Jornalista: Jacinta Sequeira
Editora: Domingas Gomes
