DILI, STLTIMORLESTE.com – Kada loron profesores husi Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Becora-Díli (ESTV-IT), sempre halo planu aula molok halao ensinu aprendizajen ba estudantes sira.
Liafuan nee haktuir husi Diretur Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Becora, Tomas Pinto ba STL, Tersa (09/12/2025).
Nia dehan, professores sira halo planu de aula mak foin tama sala, sela halo professores sira labele tama sala de aula.
“Sira aprezenta uluk ba iha Adjuntu pedágojiku, professores sira kada loron sempre halo planu aula,tanba nee,ami nian professores sira durante nee sempre halao tuir planu neebe sira iha,” nia esplika.
Nia akresenta, nee duni professores halao aprendizajen ba estudantes sira lao tuir planu aula neebe sira ida-idak prepara ona, tanba nee kada loron professores sira hotu halo planu de aula molok hakat ba sala hanorin estudantes sira.
Iha fatin seluk, Diretor Eskola Sekundariu Jeral 10 Dezembru Komoro, Manuel Verdial dehan, professores sira tenke halo planu de aula.
“Ami nian profesores sira sempre halo planu de aula,”nia dehan.
Nunee mos Diretor EBC Manleuana, Carlos Correia hatete, kada loron sira sempre halo kontrolu ba professores sira, nudar Diretur kontrolu injeral deit. Konaba professoresnee adjuntu mak halo kontrolu no professores ida-idak presiza halo planu de aula.
Jornalista: Jacinta Sequeira
Editora: Domingas Gomes
