DILI, STLTIMORLESTE.com – Prezidente Republika (PR), Jose Ramos Horta hatete, nia halo pelestra kona-ba evulusaun politika internasional no Timor Leste nia ba estudante no akademiku iha DIT.
Prezidente Republika Jose Ramos Horta hatoo kestaun nee ba jornalista sira, bainhira remata entrega premiu direitus umanus Sergio Vieira de Mello edisaun da-18 ba vensendor nain neen (6), iha Palasiu Prezidensial Nicolau Lobato, Bairo Pite, kuarta (10/12/2025).
PR hatete, bainhira remata atividade sei ba iha DIT hodi halo palestra ida kona-ba evulusaun politika internasional nomos Timor Leste nia ba estudante DIT.
Prezidente Republika hatete, ohin entrega Premiu Direitus Umanus Sergio Vieira de Mello nuudar inisiativa neebe lansa iha tinan 2008 husi Prezidente Republika, Jose Ramos Horta, ho objetivu atu rekonhese kontribuisaun husi sidadaun Timoroan, sidadaun estranjeiru, organizasaun governamental ka naun-governamental sira, ba prosesu promosaun, protesaun no defeza direitus umanus iha Timor Leste.
Premiu ida nee fo tinan-tinan husi Prezidente Republika iha loron 10 fulan Dezembru, data adosaun Deklarasaun Universal Direitus Umanus husi Asembleia Jeral Nasoins Unidas, nuudar Loron Internasional Direitus Umanus nian remata hakat ba DIT, tanba sira foin lalais konvite maske ajenda nakonu, maibe Prezidente buka tempu hodi hakat ba halo palestra ida kona-ba evulusaun politika internasional nomos situasaun Timor Leste nia ba estudante no akademika sira.
“Sim, hau ba DIT tanba konvida ema balun, maibe foin konvida loron ida ka rua liu ba ajenda nakonu, maibe hau halo esforsu ba palestra oituan iha neeba. Palestra kona-ba evulusaun politika internasional Timor nia, buat sira nee laos buat ruma foun no seluk, palestra nee hodi fahe ba estudante no akademiku sira,” dehan Prezidente Republika.
Prezidente Republika hatete, palestra neebe nia fo ba estudante nomos akademika sira iha eskola DIT Manleuana.
Tuir ajenda neebe STL asesu husi media Prezidensial Republika bainhira remata entrega premiu direitus umanus Sergio Vieira de Mello edisaun ba da-18 ba vensendor nain 6, iha Palasiu Prezidensial Nicolau Lobato, Bairo Pite, Kuarta, Prezidente Republika kontinua viajen ba DIT hodi halo palestra iha DIT Manleuana.
Jornalista: Emerenciana Pinto
Editor: Xisto Mendonça
