DILI, STLTIMORLESTE.com – Prezidente Parlamentu Nasional (PPN), Prezidente Tribunal Rekursu (PTR) ho Ministru Justisa (MJ) relata prosesu rekrutamentu Juiz Supremu Tribunal Justisa (STJ) ba Prezidente Republika (PR), Jose Ramos Horta hodi hatene.
Bainhira remata hasoru malu, Prezidente Parlamentu Nasional, Maria Fernanda Lay ba jornalista sira iha Palasiu Prezidensial, Nicolau Lobato, Bairru Pite, Dili, Segunda (15/12/2025) hatete, oportunidade diak tanba natal mos besik ona ho tranzisaun do ano 2025/2026, nee oportunidade mai hasoru malu ho Prezidente Republika atu hatoo liu liu liga ho Orsamentu Jeral Estadu (OJE) 2026 neebe promulga tiha ona.
Konta jeral estadu 2024 neebe tama ona iha Parlamentu espera katak, tina oin bele iha audensia ho Tribunal de Kontas para hodi bele haree ba konta jeral estadu.
“Iha asuntu seluk neebe ami mai update ba Prezidente Republika ligadu ho komisaun rekrutamentu ba Juiz Supremu Tribunal Justisa, neebe nia prosedimentu ami sei halo aban nia eleisaun iha Parlamentu ba kandidatu rua neebe ami mai fo hatene hela ba Prezidente Republika, inklui establesementu edifisiu para sira halao sira nia serbisu nomos prosesu selesaun ba Juiz ho Tribunal Rekursu hodi dezambragamentu, maibe dezambragamentu sei hein Governu mak sei hatoo alterasaun ba estatutu ba Majistratura para halo selesaun, neebe ami hatoo progresu,” dehan PPN, Maria Fernanda.
Nia hatutan, kandidatu rua hein eleisaun aban tersa iha Parlamentu Nasional, no tuir lei nain rua husi Parlamentu Nasional klaru mai husi neebe bele asiste iha Parlamentu Nasional, se eleisaun ida neebe mak liu ida nee mak sai kandidatu se laliu hili seluk.
“Neebe hau labele antisipa hodi fo hatene se kazu nee laliu halo nusa neebe hein deit rejultadu iha Parlamentu Nasional iha aban tersa, antes eleisaun hau pronunsia uluk nee lalos,” dehan nia.
Nia hatete, rekrutamentu ba Juiz Supremu Tribunal Justisa iha pakote rua no eleisaun nee, sei halao iha Parlamentu Nasional iha loron tersa.
Jornalista: Emerenciana Pinto
Editora: Carme Ximenes
