DILI, STLTIMORLESTE.com – Tribunal Judisial Primeira Instansia Dili (TJPID) halao prosesu primeiru interogatoriu ba iha arguidu ho inisial MSM.
Arguidu lori mai iha Tribunal, husi parte Ministeriu Publiku (MP), promove arguidu ho krime Arma Brankas.
Juiz turnu Jose Escurial halo tiha indentifikasaun ba arguidu, ikus mai diside aplika medida Aprezentasaun Periodika (AP) ba iha arguidu.
Tribunal diside aplika medida AP ba arguidu, atu aprezenta an iha Eskuadra Polisia Bekora, kada fulan ida dala ida, hodi asegura prosesu investigasaun.
Audensia julgamentu nee, prezinde husi Juiz Turnu Jose Escurial, Ministeriu Publiku reprezenta husi Prokurador Napoliao da Silva, arguidu hetan asistensia legal husi Defensor Publiku Manuel Sarmento.
Tuir kronolojia katak, akontesimentu nee iha Bekora, Camea, iha loron 13 fulan Dezembru tinan 2025. Katak momentu neeba arguidu kondisaun lanu, deskonfia kaer tudik, halo publiku balu trauma. Ho nunee maka publiku informa ba iha Polisia, hodi halo atuasaun ba arguidu.
Tuir observasaun neebe jornalista STL haree iha terenu katak, arguidu lori mai iha Tribunal utiliza ropa detidu, no akompanha husi Autoridade Seguransa.
Jornalista: Terezinha De Deus
Editora: Carme Ximenes
