DILI, STLTIMORLESTE.com – Prezidente Republika Jose (PR), Ramos Horta konvoka reuniuan Konselhu Superior Defeza no Seguransa (KSDS) hodi koalia kona-ba seguransa iha rai laran.
Bainhira remata halao enkontru Primeiru Ministru, Kay Rala Xanana Gusmao ba Jornalista iha sira iha Palasiu Prezidensial, Nicolau Lobato, Bairru Pite, Segunda (22/12/2025) hatete, ohin Prezidente Republika Jose Ramos Horta konvoka reuniaun KSDS hodi koalia kona-ba seguransa rai laran no assuntu seluk, maibe labele koalia iha publiku.
“Prezidente Republika konvoka reuniuan Konselhu Superior Defeza no Seguransa, atu haree ba problema seguransa iha rai laran nomos haree assuntu seluk neebe ami sei lafoo ba imi atu hatene,” dehan Primeiru Ministru, Kay Rala Xanana Gusmão.
Xefe Governu hatete, iha hasoru malu nee Prezidente Republika hatoo agradese wain tebes ba sosiedade, tanba iha sosiedade ida idak lao hakmatek nakonu ho domin no dame, maski iha balun akontese maibe ida nee lafoti hanesan obstaklu boot tanba la oho malu.
Prezidente Republika mos husu povu hotu hotu nafatin mantein pas iha rai laran, nunee selebra Natal no Tinan foun lao ho hakmatek nakonu ho domin iha idak idak nia fatin.
“Nee duni Prezidente Republika hakarak hatoo katak, ambiente hanesan nee nafatin iha natal nia laran too fim do anu ita hotu hamutuk kontente hodi haree bas aida maki ta hotu halo ona iha 2025 hodi nunee bele presiza kurize presiza halo buat foun atu lori nafatin rai nee ba oin ba dala los,” dehan PM, Xanana.
Iha biban nee Primeiru Ministru, Kay Rala Xanana Gusmao hatoo votu Natal no Feliz Anu Novo ba povu iha rai doben Timor Leste.
Reuniuan Konselhu Superior Defeza no Seguransa (KSDS), dirize husi Prezidente Republika, Jose Ramos Horta no partisipa husi Primeiru Ministru Kay Rala Xanana Gusmão, Ministru Defeza, Pedro Klamar Fuik, Ministru Interior, Francisco Guterres, Ministru Justisa, Sergio Hornai, Xefe Estadu Maior FALINTIL Forsa Defeza Timor-Leste, Tenente Jeneral Falur Rate Laek, Deputadu David Dias Ximens, Mandati”, Komandante PNTL Komisariu Polísia, Henriqueta da Costa, Julio Tomas Pinto ho mos Diretor PCIK, Longinhos Monteiro no seluk tan.
Jornalista: Emerenciana Pinto
Editora: Carme Ximenes
