DILI, STLTIMORLESTE.com – Ministriu Edukasaun (ME) nafatin fo apoiu fasilidade ba eskola públiku, neebe too agora sei menus fasilidades.
Haktuir Diretor Nasional Ensinu Sekundariu iha ME, Benjamin Gomes da Cruz Fernandes ba jornalista STL iha nia knaar fatin, Kuarta nee (31/12/2025).
“Ita nafatin fo apoiu ba ita nian eskola públiku hirak neebe too agora sei menus fasilidades hanesan meza, kadeira, ekipamentus pratika nian, liu-liu ba ita nian ensinu sekundariu jeral sira neebe presiza fasilidade, nunee bele fasilita ita nian estudantes sira iha ensinu aprendizajen iha eskola idak-idak,” katak nia.
Tuir Benjamin katak, karik eskola sekundariu menus fasilidades neebe mak ohin mensiona nee, sira presiza halo pedidu mai iha diresaun ensinu sekundariu iha ME, hodi nunee bele fo apoiu fasilidade hirak neebe sira presiza iha futuru.
Jornalista: Jacinta Sequeira
Editor: Xisto Mendonça
