DILI, STLTIMORLESTE.com – Ministeriu Edukasaun (ME) husu direjente eskola sekundariu jeral idak-idak atu bele asegura livrus neebe mak iha biblioteka.
Tuir Diretor Nasional Ensinu Sekundariu iha ME, Benjamin Gomes da Cruz Fernandes katak, kona-ba livrus sira nee husi diresaun kurrikulu mak halo distribuisaun ba eskola sira, agora eskola idak-idak mak tenke rai didiak livrus sira iha nia fatin neebe sira prepara ona.
“Ita husu ba ita nian direjente husi eskola sekundariu jeral idak-idak, oinsa mak atu asegura livrus hirak neebe mak iha, presiza tau didiak iha fatin, atu nunee estudantes sira kada loron bele asesu ba livrus sira nee, nee duni ita nian eskola sira presiza tau livru hirak nee iha nia fatin, nunee labele estragus,” dehan Benjamin ba jornalista STL iha nia knaar fatin, Kuarta nee (31/12/2025).
Benjamin hatutan, livrus balun husi diresaun kurrikulu distribui ona ba eskola sekundariu sira, nee eskola sira mak tenke tau didiak iha biblioteka neebe mak iha, no fo estudantes sira asesu ba livrus sira neebe iha ona biblioteka.
Jornalista: Jacinta Sequeira
Editor: Xisto Mendonça
