DILI, STLTIMORLESTE.com – Prezidente Republika (PR), Jose Ramos Horta durante nia mandatu kontinua hametin Timor Leste nia pozisaun internasional.
Tuir komunikadu neebe STL asesu husi media PR Segunda (05/01/2025) hatete, Prezidensia kontinua hametin TimorbLeste nia pozisaun internasional, hodi balansu gratidaun lokal ho responsabilidade rejional.
Orden TL ba Japaun, Prezidente Republika Jose Ramos-Horta fo onra aas liu nasaun nian, Grau Kolar Orden TL ba Embaixador Japaun KIMURA Tetsuya, hodi rekonese ninia servisu esepsional hodi hasae relasaun bilateral ba parseria komprensivu.
Prezidensia temporaria CPLP, hafoin enkontru ho Ministru Negosiu Estranjeiru kona-ba krize iha Guine Bisau, Prezidente konkorda ba TL atu asume prezidensia temporaria CPLP nian, hodi konfirma ninia protidaun atu lidera dimeira virtual Xefe Estadu sira-nian hodi restaura estabilidade.
Nunee mos konaba ASEAN no diplomasia fronteira Prezidente Republika Jose Ramos Horta simu Embaixador Indonezia ba ASEAN no Embaixador mai TL, hodi diskute integrasaun estratejika no progresu negosiasaun fronteira iha Yogyakarta, neebe preve atu remata iha 2024.
Alende nee hametin relasaun ho Portugal delegasaun nível aas husi Asembleia Republika Portugal hasoru malu ho Prezidente hodi reafirma apoiu ba TL nia adezaun ba ASEAN no kooperasaun bilateral iha justisa no edukasaun.
Nunee mos konaba direitus umanus, justisa, no pas. Iha fulan loron internasional direitus umanus, Prezidensia selebra indivídu no instituisaun sira neebe serbi nuudar bussola moral ba nasaun.
Premiu Direitus Umanus Sergio Vieira de Mello ba dala 18 Prezidente entrega premiu ba vensedor distintu nain-neen, inklui Isabel Galhos no Asosiasaun Esperansa Feto Defisiensia, hodi fo onra ba sira-nia defeza la para ba direitu sivíl, ekonomiku no sosial.
Abertura ba tinan judisiariu 2025 ba dala uluk desde restaurasaun independensia, Prezidente loke ofisialmente tinan judisiariu, hodi husu nesesidade urjente atu instala supremu tribunal justisa hodi konsolida estadu de direitu demokratiku.
Premiu Maria Gorrete Joaquim, Prezidensia reafirma ninia kompromisu ba liberdade imprensa iha edisaun ba dala 5 husi premiu jornalizmu pas nee, hodi fo onra ba legadu eroína rezistensia nian.
Jornalista: Emerenciana Pinto
Editora: Domingas Gomes
