AMBENO, STLTIMORLESTE.com – Primeiru Ministru (PM), Kay Rala Xanana Gusmão hanesan Entidade Tutelar no Superintendente Orgaun Ezekutiva Rejiaun Administrativa Espesial Oecusse-Ambeno (RAEOA), halao vizita trabalhu dahuluk ba Povu Oecusse iha tinan 2026.
Vizita dahuluh PM Xanana iha tinan 2026 ba Povu Oecusse, akompanha husi Vizita trabalhu nee, Primeiru Ministru akompanha husi Ministra Finansas, Santina Jose Rodrigues F. Viegas Cardoso, Ministru Administrasaun Estatal, Tomas do Rosario Cabral, Ministru Planeamentu no Investimentu Estratejiku, Gastão Francisco de Sousa no Prezidente Komisaun Funsaun Publika (KFP), Agostinho Letêncio de Deus.
PM Xanana too iha Fronteira Sakato-Oecusse, simu ho parada Militar husi Unidade Patrolhamentu Fronteira (UPF), nunee husi parte Master of ceremonia Autoridade RAEOA, hatoo Benvindo ba PM Xanana ho ministru sira mai Oecusse.
Hafoin ida nee, katuas lia nain sira husi Suku Nipane hatoo lia dadoli (takanab) benvindo ba PM Xanana ho Ministru sira no kaer liman ho katuas lia nain sira, autoridade RAEOA ho estrutura iha fronteira Sakato Suku Nipane, Postu Administrativu Pantemakassar, RAEOA ho bidu husi grupo labarik sira ho alegria hasoru PM Xanana no tara tais ba Xefe Governu neebe akompanha husi MF no MAE, Konsuladu Timor Leste ba Distritu Atambua-Indonezia, Komisariu Komisaun funsaun Publiku, Komisariu Alfandega, Komandante UPF, Superintendente Polisia, Euclides Belo, Sekretariu Executivu Funsaun Publiku.
Hafoin serimonia bem vindo, Xefe Governu ho delegasaun kontinua kedan ba Gabinete Autoridade nian iha Oebau, hodi konvoka enkontru alargada hamutuk ho Autoridade, diskute programa durante PM Xanana iha Oecusse hahu husi 18 too 22 Janeiru.
PM Xanana ninia prezensa iha Oecusse, sei halao enkontru alargadu ho Prezidente Autoridade Rejiaun Administrativa Espesial Oecusse-Ambeno (PA-RAEOA) ho estrutura autoridade nian iha Oecusse nomos Koordenador Zona Ekonomia Espesial ba Dezenvolvimentu Oecusse-Ambeno (ZEEDOA) kona ba dezenvolvimentu neebe maka halao iha Oecusse.
Iha tinan kotuk 2025, Xefe Governu halao vizita ikus iha Oecusse hodi halao selebrasaun natal hamutuk ho Povu Oepoli-Indonezia no Oecusse TL iha Postu UPF Usapi Baat, Suku Beneufe, Postu Administrativu Nitibe, RAEOA iha loron 30 fulan Dezembru 2025.
(jos)
